الربح من كتابة المحتوى على منصات العمل الحر

في الفترة الاخيرة ظهر احتياج بنسبة كبيرة جدا لكتابة المحتوى باكتر من شكل، وخصوصاً كتابة المحتوى على منصات التواصل الاجتماعي وأشهرها في مصر فيسبوك ومادام فيه احتياج يبقى فيه فرصة للربح، وهنا هاكلمك بالتفصيل عن الربح من كتابة المحتوى.

يعني مثلاً في مالتي كونتنت احنا بنقدم أنواع كتير من المحتوى ومنها كتابه محتوى لبوستات سوشيال ميديا او كتابة محتوي مقالات لمنصات ومدونات.

وبالفعل بدأ يتعاون معانا شباب كتير أخدوا الموضوع كمصدر شغل أساسي ودخل ثابت ليهم نظرا للطلب الكبير عليهم.

الربح من كتابة المحتوى

كتابة المحتوى نوع وشكل جديد من أشكال الكتابة الحديثة وظهرت مع ظهور الانترنت اللي خلق اصلا محتوى وخلق احتياج لوجود كتابة المحتوى وبعد ما كانت الكتابة محصورة في الكتب والروايات والشعر وغيره ظهر فرع جديد عمل طفرة في عالم الكتابة وهو كتابة المحتوى الرقمي.

ويمكن فرع كتابة المحتوي ربحه اسرع واسهل من الربح من كتابة الكتب والروايات وممكن تكون سمعت كمان مصطلح كتابة المحتوى الإبداعي والرقمي وظنيت انهم حاجه واحده او نوع واحد ولكن في الحقيقه هما مختلفين عن بعض..

فتعالى نعرف سوا ايه هي انواع كتابة المحتوى والفرق بين المحتوى الرقمي والإبداعي وحاجات تانيه كتير.

انواع كتابة المحتوى

المحتوى التسويقي أو الرقمي

المحتوى التسويقي بيتكتب بناء على خطة تسويقية الهدف منها معروف ومحدد زي ان العميل ياخد خطوه ويشتري المنتج بتاعك او يقتنع بالخدمة اللي بتقدمها له او مجرد تعريف الجمهور بالعلامة التجارية الخاصة بيك أو التعريف بشركتك وممكن يتم تنفيذ المحتوى بأشكال كتير ومنها:

المحتوى الكتابي

ممكن تسوق لمنتجك او خدمتك عن طريق كتابة مقال أو مدونة علي موقع الكتروني خاص بالخدمه او المنتج اللي بتقدمه.

المحتوى المرئي

بيتم عن طريق صور وتصاميم تقدر من خلالها تعبر عن المنتج او الخدمه اللي بتقدمها وممكن كمان يتم عن طريق صور متحركه وبيكون سهل انه يوصل لأكبر عدد ممكن من الجمهور المستهدف وكمان نتايجه سريعه.

االربح من لمحتوى السمعي والبصري

يميل جمهور مواقع التواصل الاجتماعي لمحتوى الفيديوهات اكتر لانه سهل بالنسبة للمستخدم واحيانا بيكون في جزء ترفيهي يخلي المستخدم مايملش من الإعلان وفي نفس الوقت توصل المعلومه عن الخدمه او المنتج اللي بيتسوقله ومن اهم مواقع التواصل الاجتماعي اللي بيتم التسويق عليها من خلال الفيديوهات هي التيك توك والسناب شات والانستجرام.

الربح من كتابة محتوى وصف المنتجات

من اهم انواع كتابة المحتوى هو كتابة المحتوى الخاص بوصف المنتجات بمعني ان كل ما وصفت المنتج بتاعك بشكل تفصيلي احتر وركزت على احتياج الجمهور المستهدف في وصف المنتج كل ما المحتوى بتاعك قرب من الهدف و وصل لعدد أكبر من الجمهور.

المحتوى الإبداعي التسويقي

لو اجتمع الابداع مع الخبرة في كتابة المحتوى التسويقي هيتنج لنا محتوى هادف ومسلي ويحقق الهدف التسويقي من المحتوي دا بشكل اسرع وعلى نطاق اوسع ودا بيتم بمستوى عالي جدا من الخبرة والابداع.

الفرق بين المحتوى الرقمي والإبداعي

في فرق كبير بين كتابة المحتوى الرقمي وكتابة المحتوى الإبداعي لأن المحتوى الرقمي يعتمد بشكل كبير على معلومات محدد تعرفها عن المنتج او الخدمة ويتم صياغتها وكتابتها بشكل سهل وتفصيلي عشان توصل للمستخدم ويستفيد منها لكن المحتوى الإبداعي بيكون فيه شئ من الإبداع والفن والغرض منه يمكن توصيل حكمه أو تسليط الضوء في المجتمع على حاجه معينه ودا بيتم من خلال عمل مسرحيات و اسكتشات و افلام قصيرة وغيرهم من اشكال واساليب الكتابة الابداعية .

هل كتابة المحتوى عمل مربح؟

مؤخرا أصبح كتابة المحتوى عمل مربح جدا خصوصا مع وجود عدد كبير جدا من مواقع التواصل الاجتماعي والمواقع الالكترونية وعدد كبير جدا من مستخدميها في جميع أنحاء العالم ودا خلق فرص للشغل والربح عن طريق كتابة المحتوى بجميع لغات العالم و بأشكاله المختلفة.

تطبيقات تبدأ منها رحلة الربح من كتابة المحتوى

أهمية كتابة المحتوى وانتشارها خلق كمان مواقع تتيح فرص لربح المال من الكتابة سواء بالانجليزي او بالعربي وخصوصا كتابة المحتوي زي

موقع مستقل

أكبر منصة عمل حر عربيه ويتطلب عليها شغل كتير عن بعد وبيتم الدفع بالدولار و مش بس في التصاميم والفيديوهات لكن بيتطلب عليه كمان مقالات بلغات كتير زي فرنساوي وانجليزي والماني وعربي وغيرهم من اللغات ف لو كنت متقن لغة معينه وعندك مهارة في الكتابة ف فرصتك في الربح عن طريق موقع مستقل هتكون كبيره جدا كل اللي عليك انك تتابع طلبات كتابة المقالات وتقدم عليها وهتلاقي اسعار متفاوته حسب خبرتك وحسب صعوبة المشروع المطلوب ولكن في كل الأحوال هيتم محاسبتك بالدولار.

موقع up work

ميختلفش كتير عن موقع مستقل ولكن أهم اختلاف انه بيكون علي مستوي العالم كله مش بس الوطن العربي و الفرص اللي عليه في مجال الكتابة مش كتير اوي وده بيخليه بعيد عن انظار الناس اللي مهتمة بمجال العمل الحر أو بالربح عن طريق المواقع دي وممكن يكون فرصه كويسه جدا ليك ك كاتب محتوى.

موقع Contenta

من أهم المواقع المتخصصة في تقديم فرص عمل في مجال الكتابة عموما وطبعا هتلاقي من خلاله فرص كويسه جدا للربح عن طريق كتابة المحتوى باختلاف انواعه زي انك تكتب محتوي سوشيال ميديا او تكتب مقالات في اكتر من مجال أو تكتب نص اعلاني محترف او تكتب Documentation والمعروف عن الموقع دا دفع مبالغ مناسبة مقابل الكتابه اللي هتكتبها وكمان ممكن تلاقي في الموقع شغل تتحاسب عليه بشكل شهري.

موقع Hubpages

لو كنت موهوب في كتابة المحتوى وكمان بتعرف تكتب بالانجليزي فأنصحك جدا بالموقع دا عشان تبتدي من خلاله الشغل في كتابة المحتوى فهو بيعتمد على كتابة المحتوي بجميع أشكاله لكن شرط أساسي الكتابه بالانجليزي والموقع دا بيدخله الربح عن طريق الاعلانات اللي بيعملها وكل كاتب محتوى بياخد جزء من الأرباح دي وبنصح تبتدي من خلاله لو كنت لسه مبتدئ او عايز تتدرب على الكتابه بالانجليزي وفي ملحوظه بالنسبه للموقع دا الربح بتاعه قليله نوعا ما ف ممكن تكتب عدد مفالات مش قليل مقابل من 50 ل 100 دولار في الشهر ولكنه مستمر لأن الإعلانات مستمرة والأرباح مستمرة.

الربح من كتابة المحتوى من موقع خمسات

موقع خمسات متميز في طلب الخدمات الصغير او الخدمات البسيطة وممكن تقديم كل أشكال المحتوى من خلاله والمميز فيه كمان ان الحد الادني للدفع مقابل الخدمات هو 5 دولار وممكن تبدأ الربح من خلال حتي لو كنت مبتدئ لان اغلب الخدمات اللي بتتقدم من خلاله بتبقى بسيطه.

وفي النهاية خلينا نقول إن تعدد أشكال كتابة المحتوى والشكل دا من الكتابة أحيا فكرة الكتابة عموما وخلق فرص للموهوبين بالكتابة بشكل غير تقليدى، ودا في حد ذاته شيء إيجابي جداً.

وإنهم يلاقوا نفسهم ويستغلو كمان الربح من كتابة المحتوى دا في حد ذاته مكسب كبير جداً جداً لكل إنسان بيحاول يلاقي شغفه في رحلة اكتشافه لنفسه وللحياة اللي هو عايشها.