المونتاج بيلعب دور كبير جدا في صناعة الأفلام عموما والأفلام الوثائقية بالأخص لأن من غيره الأفلام هتبقى مجرد مشاهد ملهاش معنى ولا ليها أي ترتيب وهينتج لنا في النهاية عمل مش مفهوم خالي من الفن في المقال دا هنتكلم عن الأفلام الوثائقية عموما وهنتكلم عن تأثير المونتاج على تجربة مشاهدة الأفلام الوثائقية خصوصا.
المحتويات
إخفاء
ما هي الأفلام الوثائقية؟
الأفلام الوثائقية بتقدم تقرير واقعي عن موضوع معين مش هيكون فيه حكايات خيالية بس هدفها الأساسي توثيق الحقيقة سواء للتعليم أو الحفاظ على السجل التاريخي، ودي بعض الأشياء اللي عادة ما بتكون موجودة في الوثائقيات
قصص من الحياة الواقعية
بتركز الوثائقيات على الأحداث الحقيقية والشخصيات الحقيقية مش على القصص الخيالية او الوهميه و هدفها غالبا بيكون إنها تعرض الحقائق بدقة ومن غير تحيز
محتوى تعليمي
بتكون مصدر للمعلومات بتغطي مواضيع زي الطبيعة والتاريخ والثقافة والعلوم وغيرها من المواضيع اللي بتهم فئة كبيرة من الناس و بتقدم كمان معلومات بتساعد على نشر الوعي بمواضيع مختلفة.
شكل السرد
مع إنها بتقدم الحقائق لكنها عادتا بتكون فيها بنية سردية بتخلي المعلومات جذابة اكتر و بتخلي الناس يتابعوا قصة شخصية أو تطور حدث معين بشغف ومن غير ما يحسو بالملل
التعبير الفني
بالرغم من تركيزها على الحقائق لكن الوثائقيات بتستخدم تقنيات إبداعية زي المونتاج والموسيقى والتصوير عشان تعزز قصتها
المنظور والصوت
كتير من الوثائقيات بتعرض وجهة نظر معينة عن موضوع معين وبتحاول إقناع الجمهور أو تشجيعه ولفت انتباهه لوجهة نظر معينة
مجموعة متنوعة من التنسيقات
الوثائقيات ممكن تتنفذ بتنسيقات مختلفة زي الأفلام الطويلة أو المسلسلات التلفزيونية أو المقاطع القصيرة كل واحدة بيكون ليها هدف وجمهور مختلف.
ما هي أنواع الأفلام الوثائقية؟
الافلام الوثائقيه بتتعرض لنا بأكتر من شكل واكتر من نوع كل نوع منها بيتميز بأسلوبه الخاص في سرد القصص و المواضيع هنقولك دلوقتي 6 انواع من الأفلام الوثائقية وتعتبر دي أشهر الأنواع:
1) الشعرية
الوثائقية الشعرية بتركز على الجوانب الجمالية والفنية في تصوير العالم وتقديمه للجمهور و بتعتمد بشكل كبير على الصور البصرية والموسيقى واللغة الشعرية عشان توصل بالمشاهد لعوالم جديدة ممكن يكون ميعرفش عنها حاجه.
2) التفسيرية
الأفلام الوثائقية التفسيرية هدفها بيكون انها تعلمك و تقنعك وغالبًا بيستخدمو تعليقات صوتية قوية توجه المشاهد بشكل مباشر مع استخدام الصور بهدف انها تدعم رسالة الفيلم وتوصلها بشكل واضح للمشاهد.
3) الرصدية
النوع دا من الأفلام الوثائقية بيسعى دايما لمراقبة العالم ببساطة من غير ما يتدخل في أي شئ حيث يترك صانعو الأفلام القصة تتكشف طبيعيًا دون تدخلات أو تعليقات إضافية.
4) التشاركية
في الافلام الوثائقيه التشاركية بيتفاعل المخرج بشكل مباشر وفي الغالب المشاركه دي بتكون في المواقف أو المقابلات عشان تعزز التواصل مع الموضوع الخاص بالفيلم.
5) الانعكاسية
النوع دا من الأفلام بيركز على العلاقة بين المخرج والجمهور والغريب انه بيشكك في صحة صناعة الأفلام الوثائقية نفسها ودا اللي بيخلي الوثائقيه الانعكاسية ليه طابع تأملي عميق.
6) الأدائية
الوثائقية الأدائية بتبرز الجانب الشخصي والتعبيري للمخرج عن موضوع معين وغالبًا بيكون مضمونها روايات شخصية أو تجارب ترتبط بقضايا أو أحداث أكبر.
ما هي خصائص الفيلم الوثائقي؟
- الصدق أهم حاجة في الأفلام الوثائقية لأن زمان الناس كانت بتثق فيها جداً عشان كانت بتعرض الواقع زي ماهو لكن دلوقتي الناس بقت تشكك في كل حاجة حتى في الأفلام الوثائقية علشان كده لازم الأفلام دي تقدم معلومات صحيحة ومصادر موثوق فيها علشان تكسب ثقة الناس من تاني.
- الفيلم الوثائقي بيعرض الحقيقه مش الدراما ولا الخيال بيدخلنا جوه عالم حقيقي فيه مشاكل وقضايا وصراعات وناس ومشاعر حقيقية وكل اللي بنشوفه ونسمعه في الفيلم ده بيكون مظبوط ودقيق.
- الفيلم الوثائقي بيحمل رسالة وهدف معين وبيحاول يوصل الرسالة دي للجمهور من زمان والأفلام دي بتستخدم علشان تأثر على الناس وتغير في المجتمع أو في تفكيرهم الفيلم الوثائقي مش بيكون تحت سيطرة المخرج زي الأفلام التانية لأنه بيتصور في الواقع وبيعرض أحداث حقيقية وكتير المخرج مش بيقدر يتحكم في الأحداث أو الظروف اللي بتحصل وده بيدي للأفلام دي طعم خاص ونسبة كبيرة من الواقعية.
- الفيلم الوثائقي مميز بمرونته على عكس الأفلام الخيالية اللي بتمشي ورا قواعد معينة محدش بيعرف الأحداث هتروح فين أو الفيلم هيخلص إزاي وده بيخليه مثير أكتر.
- كمان موضوع الفيلم الوثائقي بيكون مهم جداً ولأن الهدف منه بيكون موضوع محدد والظروف اللي بتحيط بيه حقيقية فالموضوع ده بيكون أهم حاجة في الفيلم وبياخد الأولوية على أي حاجة تانية.
كيف يكون مونتاج الأفلام الوثائقية؟
الأفلام الوثائقية بتهدف إنها تعرض حكايات وحقائق من الحياة الحقيقية للناس والغرض بيكون تعليمهم أو توعيتهم أو حتى إقناعهم و استخدام المونتاج في الأفلام دي بيضيف زي مسمى فني وعمق عاطفي وده بيزيد من تفاعل الناس مع الفيلم.
للمونتاج بيشتغل على تقصير الوقت وتكثيف المعلومات الأساسية بمعنى إنه بيختصر المعلومات الكبيرة في فترة زمنية معينة وده بيكون مفيد جدًا في الأفلام الوثائقية لأنه بيساعد على إبقاء انتباه الجمهور حتى لو كان مضمون الفيلم مواضيع كبيرة.
وكمان المونتاج بيساعد على اضافة التأثير العاطفي من خلال اختيار اللقطات وترتيبها و بيساعد حتى مخرجين الأفلام إنهم يخلقوا مونتاج يوصل مشاعرهم للناس و ده طبعا بيكون ليه تأثير خاص في الوثائقيات عشان بيسمح للناس يتواصلوا مع الموضوع بطريقة شخصية أكتر.
في كمان الاستخدام الرمزي والمرئي للمونتاج بمعنى انك بتقدر تستخدم الرموز أو الصور لتوصيل فكرة بشكل قصير في الوثائقيات و ده بيتم استخدامه عشان يعبر عن أفكار معقدة بطريقة بسيطة أو يوضح ربط علاقات بين حاجات او اشياء ببعضها.
السياق التاريخي والتعليق بدون ما نحكي كتير ده بالظبط اللي بيعمله المونتاج لأنه بيقدر يضيف سياق تاريخي أو تعليق بسيط من غير ما نضطر نحكي او نوضح بالكلام وده بيتم من خلال ترتيب لقطات أرشيفية وده بيخلي الفيلم الوثائقي يوصل فكرة تطور الأحداث أو الأفكار.
التأثير السوفيتي للمونتاج وهو حركة المونتاج السوفييتية اللي بدأها صناع الأفلام زي سيرجي آيزنشتاين وده كان ليه تأثير كبير على الوثائقيات وكمان آيزنشتاين استخدم المونتاج عشان يولد ردود فعل عاطفية وفكرية قوية في الناس.
في النهاية الاستخدام الحديث للمونتاج لحد دلوقتي أداة مهمة في الوثائقيات بشكل متكرر وبيضمن للوثائقيات التفاصيل المونتاجية عشان تسلط الضوء على قضايا اجتماعية أو تخلق جو من التوتر أو تحتفل بنجاحات وده يبين إن المونتاج مازال مهم جدًا في صناعة الأفلام وعموما و الوثائقيه بالاخص.
اتكلمنا في المقال ده عن الأفلام الوثائقية وأهميتها وأنواعها واتكلمنا كمان عن خصائص الأفلام الوثائقية واتكلمنا عن تأثير المونتاج على تجربة مشاهدة الأفلام الوثائقية نتمنى تكون استفدت من المقال.