المونتاج يعتبر من أهم مجالات العمل دلوقتي واللي تقدر تحقق الربح من المونتاج بسهولة لأن الفيديوهات انتشرت جدا علي السوشيال ميديا ويعتبر هو أهم سبب في نجاح أي صانع محتوي لأنه بيساعده يأثر في مشاعر المشاهد عن طريق المؤثرات الصوتية والبصرية.
فكل ما كان المونتاج بطريقة حلوة كل ما زادت المشاهدين وكمان الفديوهات دلوقتي أصبحت أهم حاجة للتسويق ومع تطور التكنولوجي وظهور تقنيات جديدة للمونتاج أضاف كتير للفيديوهات وأصبحت جذابة أكتر للجمهور، وفي المقال دا هنتكلم عن تقنيات المونتاج المتقدمة اللي ظهرت في الآونة الأخيرة فتابع معانا الي جاي..
ما هو المونتاج؟ وكيفية عمل المونتاج؟
قبل ما نتكلم عن تقنيات المونتاج المتقدمة هنتكلم الأول عن تعريف المونتاج وهو أننا ناخد الفيديوهات المتصورة ونبدأ نعدل فيها يعني ممكن نقصها أو نحذف حاجات منها أو نضيف مؤثرات ونوضح الألوان أو نغيرها ونوضح الصوت ونرتب المقاطع وهكذا..
في البداية بنستلم الفيديو بعد تصويره ونبدأ بعمل المونتاج بأستخدام برامج جديدة فيها أدوات و مميزات كتير بتساعدنا علي تظبيط الفيديو فأول حاجة نختار برنامج مناسب لما يحتاجه الفيديو.
أول خطوة في المونتاج هي حذف اللقطات الموجود بها أخطاء أو الغير مناسبة ،وبعدين نبدأ في إضافة المؤثرات ودي مستحيل نحصل عليها من غير مونتاج وكمان نبدأ في تعديل الصوت وحذف أي ضوضاء.
تقنيات المونتاج المتقدمة
في البداية كان الفيديو بيتعرض عن طريق تمرير شوية صور ورا بعض بسرعة عشان يتكون الفيديو ودي كانت عملية المونتاج البدائية وبعدين تحول لشريط سينمائي بيساعده محركات كبيرة عشان تعرض المشاهد.
وبعدين بدأ تظهر بعض البرامج تساعدنا علي عرض المشاهد وتغيير ترتيبها وتعديل صوتها وحذف أشياء وإضافة أشياء للفيديو لحد ما وصلنا للذكاء الأصطناعي وقدرته علي عمل مونتاج لفيديو كامل بضغطة زرار بدون تدخل أي شخص.
أنواع برامج المونتاج المتقدمة
في كتير من برامج المونتاج المتقدمة وفي هذه المقالة هنعرف أهم برامج المونتاج الأحترافية ومنها:
· برنامج Adobe Premiere Pro
هو برنامج منتشر في السينيما والتليفزيون لأنه يعدل الفيديو الرقمي ويضيف المؤثرات الصوتية والبصرية وقامت شركة NLE بتطويره وهو مدعوم بالذكاء الأصطناعي
· برنامج Avid Media Composer
هو برنامج يستخدم بردو في السينما والتليفزيون وعملت شركة NLE علي تطويره وموجود فيه مميزات متقدمة لتعديل الصوت وبيدعم التعاون والعمل المشترك ومتوفر فيه أفضل أدوات ومتصلة بالذكاء الأصطناعي.
· برنامج Final Cut Pro
هو برنامج يعمل بشكل جيد في أجهزة apple وموجود فيه ميزات صوتية وبصرية متقدمة كتيرة ومتوفر منه نسخة مجانية تعمل لمدة معينة من الوقت وهو إختيار ممتاز جدا للمحترفين والهواة.
· برنامج DaVinci Resolve
هو برنامج يحتوي علي مؤثرات كتيرة وبيدعم العمل المشترك وموجود فيه ميزات متقدمة للتحرير البصري والصوتي وبجودة عالية جداً ويساعد في فيديوهات الكرتون بسبب التأثيرات الخاصة الموجود فيه عشان كده بيستخدم في إنتاج الفيديو في هوليوود.
· برنامج Lightworks
من أقوي برامج المونتاج يستخدم بشكل كبير في صناعة الأفلام وومكن إستخدامه في فيديوهات اليوتيوب إلي أن يصل إلي محتوي هوليوود وموجود منه ثلاثة إصدارات المحترف”pro” والمتقدم “create” والمجاني “free”
مراحل تقنيات المونتاج
· مرحلة القطع
بمعني أنه بيتم حذف اللقطات غير الضرورية أو الزيادة والتركيز علي المشاهد الأساسية للفيديولزيادة فضول المشاهدين وعدم أحساسهم بالملل.
· مرحلة تعديل الصوت
تعديل الصوت مهم جداً في تحسين جودة الفيديو فتعديل الصوت بيشمل تصميم الموسيقي وإضافة المؤثرات الصوتية وحذف الضوضاء من الفيديو وتنقية الصوت.
· إضافة الرسومات والمؤثرات
وهي عبارة عن عناصر بتكون موجودة في البرنامج وبيتم إضافتها لتجميل الفيديو زي إستخدام العناوين للموضوع وشعارات العلامات التجارية وإضافة الرسوم المتحركة للفت الإنتباه
· إستخدام زوايا ووجهات نظر مختلفة
وهي أننا نعرض نفس المشهد بطرق مختلفة زي التنسيق بين اللقطات البعيدة والقريبة والقطات الواسعة وغيرها وده عشان تكون مشاهد الفيديو متنوعة وتجذب الإنتباه
· الدمج
بتعتمد علي دمج المشاهد المتصورة مع المشاهد الموجودة من قبل كده زي مثلاً لقطات المناظر الطبيعية والحيوانات وإزاي ندخلهم في سياق الفيديووده بيخدم واقعية الفيديو
تأثير تقنيات المونتاج المتقدمة
تطور تقنيات المونتاج له تأثير كبير جدا علي صناعة السينما وده واضح بشكل كبير في إنتشار أفلام الخيال العلمي لأنه أكتر نوع من الأفلام بيحتاج حبكة عشان يعتبر من الخيال بشكل كبير وده بيحتاج أدوات متقدمة للمونتاج عشان يكون الفيلم مقنع بالنسبة للمشاهدين فهو يعتمد علي المؤثرات البصرية للإبهار.
ومع التطور الموجود حالياً وظهور الذكاء الأصطناعي وأستخدامه في المونتاج ظهر أفلام خيال علمي كتيرة وناجحة جدا وجذبت جزء كبير من المشاهدين فهناك أفلام عن الفضاء والحياة علي الكواكب الآخري وغزو الفضائيون للأرض وتفوق في هذه الأفلام كتير من المخرجين مثل “ستانلي كوبريك” و”جورج لوكس” و”ستيفن سبليرج”.
يساعد التطور في تقنيات المونتاج علي زيادة التواصل الإجتماعي من خلال الأفلام والبرامج التليفزيونية والفيديوهات على الأنترنت فمن الممكن توجيه رساله من خلالهم للجمهور والمونتاج بيحسن الجودة وبينتج محتوي جاذب للإنتباه.
يزيد من الإبداع الفني للمونتير ويسهل عليه ترتيب المشاهد بطرق مبتكرة وإضافة مؤثرات صويتة وبصرية فريدة من نوعها.
بيأثر علي الوعي الثقافي والإجتماعي وبيساعد في تشكيل الرأي العام لقضايا معينة ونشر الوعي حولها.
تطور تقنيات المونتاج المتقدمة والسوشيال ميديا
تطور المونتاج سهل علي كتير من صناع المحتوي علي السوشيال ميديا عمل مونتاج الفيديوهات بنفسهم وأصبح المونتاج مش بس في السينما والأفلام وتحول لبرامج سهل إستخدامها وممكن توفيرها علي الموبايل وبتعليم بسيط جدا ممكن أي حد يعمل مونتاج لفيديو.
وكمان مع ظهور الذكاء الإصطناعي أصبحت عملية المونتاج سهلة علي أي حد وبتخلص في وقت قصير ومش محتاجة من الشخص أنه يتعلم وده وصلنا لظهور صانعي محتوي مشهورون سواء علي اليوتيوب أو الفيس بوك أو أي من مواقع التواصل الاجتماعي وطبعا في فرق كبير جدا بين مونتاج السينما ومونتاج السوشيال ميديا.
أهمية تطور المونتاج
· كل ما زاد تطور المونتاج تزداد جودة إنتاج الفيديوهات من خلال تحسين الصورة والصوت وده بيساعد علي الوصول للمشاهد بسرعة.
· تطور المونتاج يساعد علي ترتيب المشاهد بطريقة إحترافية لتسهيل نقل رسالة معينة وتوضيح الشخصية الموجودة في العمل.
· توفير الوقت المستخدم في المونتاج من قبل لما كان يدوي وبطرق تقليدية.
· بيوفر مساحة يظهر فيها الإبداع بإستخدام المؤثرات المتميزة المتوفرة في برامج المونتاج المتقدمة.
· يسهل فكرة التوافق مع التقنيات الآخري مثل الواقع الإفتراضي وده بيزود تفاعل الجمهور مع المحتوي.
تأثير الذكاء الأصطناعي
الذكاء الإصطناعي حوِل المونتاج لعملية سهلة وسريعة ومش بتحتاج لتعليم لأنه بياخد الفيديو وبضغطه زرار بيظبطه بدون أي تدخل زي أنه مثلا بيحذف المشاهد غير الضرورية وبيحسن شكل التنقل بين المشهد ويحسن جودة الصورة والألوان ويصحح العيوف ويضيف مؤثرات بصرية وسمعية وبيعمل ده في وقت قليل وده وفر علينا وقت كبير جداً.
كمان بيقدم حلول سريعة للمشاكل الموجودة في الفيديوهات كما أنه بيشتغل علي وصول الفيديو للمشاهد بصورة أفضل.
وفي النهاية المونتاج يعتبر فن مهم لصناعة السينما والأفلام وهو أحسن طريقة تقوي قصة الفيلم وتجذب انتباه الجمهور وده بيوصلنا لأعمال استثنائية وكلما تطور المونتاج وتطورت تقنياته ودا يساعدنا علي الوصول لنتائج مذهلة وخاصة في الأفلام الخيالية لأنه بيخلق مصداقية للمشاهد.
وبكدا نكون خلصنا كلام على تقنيات المونتاج المتقدمة وعلاقتها بالسوشيال ميديا وتأثير المونتاج عليها.. اتتمنى تكون استفدت من المعلومات اللي قدمناها النهاردة على مالتي كونتنت.