هنتكلم النهاردة عن تاريخ التسويق وإزاي بدأ وإيه المراحل الي مر بيها لحد النهاردة.. تابع معايا المقال على مالتي كونتنت.
ما هو التسويق ؟
التسويق هو إعلان أو ترويج لمنتج معين وبيقوم علي مجموعه من الانشطه اللي بتدرس العملاء المستهدفين وتعرف هتستهدفهم ازاي!
التسويق بيركز علي المشتري واحتياجاته وازاي اقنعه انه يشتري المنتج بتاعي اللي بسوقله ودا من الاساسيات اللي بتضمن للمجتمع الدخول في دوره الاقتصاد.
ما الهدف الأساسي من التسويق؟
الهدف من التسويق هو اني أبيع منتجي الخاص وبس، فيه اهداف تانيه من التسويق زي مثلا زياده الانتاج وكمان تحقيق اقصي استفاده سواء للمشتري او المجتمع .
ما عناصر التسويق؟
التسويق بيتقسم ل ثلاث عناصر اولهم هو المرسل ودا الشخص اللي بيقوم بعمليه التسويق، والمستلم ودا تاني عنصر وهو العميل المستهدف من العملية،تالت عنصر وهو ورد الفعل والرساله المقصود بيها، هنا المحتوي اللي هشد بيه العميل واخليه يشتري المنتج بتاعي وكمان رده فعلهم وطريقه تفاعلهم مع الرساله .
ويهدف التسويق الي استهداف فئه معينه من الناس ودراسه ثقافتهم وميولهم الاجتماعي والشرائي واحتياجتهم وتوفير السلع اللازمه .
و توجيه المناديب الي البيع بطريقه معينه لجعلهم مهتمين بالشراء وتحسين خدمه ما بعد البيع بسبب ان النجاح يأتي من رضا العملاء .
ما الفرق بين التسويق والمبيعات؟
ويختلف التسويق عن البيع فالبيع هو عمليه نقل ملكيه علي عكس التسويق اللي هدفه بيكون اعلان عن منتج او دراسه السوق.
التسويق هو السلمه الاولي للمبيعات ،فالبائع يجد المشتري عنده خلفيه عن المنتج من خلال الربط اللي عمله التسويق للمنتج.
ويعتبر الوقت احد العوامل المهمه في التفرقة بين المبيعات والتسويق ،فالشركات الكبيره تهتم بالتسويق اكثر من المبيعات بسبب انها تريد جعل منتجها معروف .
بس الشركات الصغيره دايما بتسعي ورا المبيعات عن التسويق عشان تحقق ربح اكتر وعشان تتعرف وتستمر في السوق وتكبر .
وكمان انطباع العميل بيفرق عن ان الشركه بتكون معروفه او لا او بتستخدم التسويق المباشر ولا التسويق الالكتروني.
وعمليات التسويق بتتكون من تنظيم السوق وتخطيطه وكمان الاشراف علي السوق وتحليل بيانات الفئه المستهدفه من العملاء ووضع خطه لازمه لتسويق المنتج الخاص بيك .
ما هي أنواع التسويق ؟
ينقسم التسويق الي انواع كثيره منها :
التسويق التقليدي
اللي بيكون عباره تسويق علي القنوات التلفزيونيه قبل اختراع الانترنت.
التسويق المباشر
وينقسم الي داخلي وخارجي والخارجي هو اللي بيكون عن طريق الاختلاط مع الناس المستهدفه وتعريفهم بالمنتج بشكل مباشر .
والداخلي بيقوم علي ثقه العملا في المنتج واسم الشركه وعرض عليهم المنتجات الكبيره وكمان نوع من اشهر انواع التسويق وهو التسويق الرقمي .
التسويق الرقمي
هو من اكتر الانواع المنتشره في الفتره الاخيره وده بيكون بسبب انتشار الانترنت ووصول اغلب الناس للانترنت .
وده اللي الشركات بتستخدمه دلوقتي في مواقع التواصل الاجتماعي ومحركات البحث والاعلانات المموله والمتاجر الالكترونيه زي مثلا امازون .
وفيه كمان بعض انواع التسويق التانيه زي التسويق بالتوصية والتسويق بالمديح والتسويق بعرض شيء مجاني و التسويق بالعينات المجانية .
كيف بدأ التسويق ومراحل تطوره؟
ظهر التسويق اول مره في القرن ال16 بس التسويق ظهر في العصور القديمه عن طريق التسويق بالتوصيه وانتشر بكثره عن طريق ثقه الناس ف التجار عشان الاسواق كانت محدوده ،وفي العصور الوسطي بدأ التسويق ف إنجلترا وكانت في الاغلب تسويق لاسواق المراهنات اكتر منها للمنتجات بس كان فيه تسويق للمنتجات .
كانت التجاره في انجلترا عباره عن تبادل بسيط بين المدن ومع انتشار الاحتلال الاوربي للعالم والاخص لما انجلترا اختلت الهند بدأ تسويق التوابل في انجلترا ، بدأ التسويق للتوابل بعرض العينات المجانيه في البدايه ثم انتظار العميل ليرجع للشراء وانتشر صيت التوابل في اوروبا وكانت بدايه تسويق المنتجات في اوروبا .
مع بدايه الثوره الصناعيه في اوروبا ظهر مصطلح جديد في اطار التسويق وهو الاعلانات وكانت المصانع تعلن عن منتجاتها الجديده في الجرائد، كانت الجرائد هي الوسيله الوحيده للاعلانات في الوقت ده وبقت تكلفه الاعلانات ف الجرائد كبيره حتي وقت ظهور الراديو .
مع ظهور الراديو او الاذاعه وانتشارها اتجهت بعض الشركات الي التسويق عن طريق الراديو وده كان كفيل بتزويد مبيعاتها بنسبه كبيره عن الجرائد ، ومع الوقت زادت التكلفه وقصرت مده الاعلان وكمان الإعلانات ف الجرائد قلت بشكل ملحوظ بس في شركات فضلت تعتمد علي الجرائد مع الراديو .
وهنا ظهر التلفزيون في اوروبا وتحول نظر العالم للجهاز الجديد اللي بيقدر يخليك تشوف اماكن كتير ف العالم وانت في مكانك بس قبل ظهور التلفزيون كانت السينما موجوده ، الاعلان في السينما كان بيكلف كتير جدا وكانت بتبقي اعلانات موجزه وبسيطه قبل عرض الفيلم بس كانت مجديه وقتها لاصحاب الشركات .
بس في الفتره اللي انتشر فيها التليفزيون الاقبال زاد علي التسويق من خلاله للمنتجات ودا اللي خلي الناس بتقول عن التسويق وقتها اني لو معايا مليون دولار هنتج بنصفها والنصف الاخر سأستخدمه في الاعلانات ،وبقي الوضع علي الحال ده فتره طويله من الزمن وبقي التلفزيون هو وسيله التسويق الاكثر انتشار ف العالم عشان بيوصل لاكبر عدد من العملاء .
وللوقت الحالي التلفزيون هو اكثر وسيله مستخدمه للاعلانات في العالم وفضل الراديو والجرائد وسيله مساعده مع ان تكلفه الاعلان بتكون غاليه جدا، مع ظهور الانترنت في العالم وانتشاره لعدد كبير من المستخدمين ظهر التسويق الرقمي او التسويق الإلكتروني واللي بقي ركيزه اساسيه في التسويق .
التسويق الالكتروني هو بكل بساطه تسويق المنتجات عبر الانترنت عن طريق المتاجر الالكترونيه ومواقع البحث وكمان وسائل التواصل الاجتماعي، ومع تطور وسائل التسويق تطور مفهوم التسويق كمان وتطور خصائصه فكان يعتمد قديما علي اربعه عناصر هم المنتج و التوزيع أو المكان و الترويج و السعر .
ولكن مع التطور زاد عليهم ثلاث عناصر كمان وهما العنصر البشري و العمليات و الأدلة المادية وهذا التطور طبيعي جدا في ظل تطور العالم ، المنتج دائما هو العامل الاساسي للتسويق وجودته تجعل الناس ترجع الي الشراء مره اخري وكذلك ظهور مصطلح خدمه العملاء وخدمه ما بعد البيع زادت من احتماليه نجاح الحمله التسويقيه .
يميل الناس الي الوثوق في الشركات اللي عندها خدمه عملاء اوخدمات ما بعد البيع وعشان كده بيميل المسوقين لاستخدام الخدمات اللي الشركه بتوفرها ف حملاتهم الاعلانيه .
وكمان السعر بيكون عامل اساسي في عمليات التسويق ومع تطور التسويق وزياده المنافسه في السوق اتجه التسويق الي العروض الترويجية او التخفيضات عشان يكسر حاجز السعر عند العملاء .
وفي الاخير نري ان التسويق واساسياته يتطور مع تطور الوقت والمنتجات والعملاء وكمان حسب احتياجات السوق والمنافسه الموجوده فيه .
وكمان التسويق بياخد اشكال تانيه زي الالكتروني مثلا اللي خد اشكال كتير لحد ما وصلنا الي وجود المتاجر الالكترونيه اللي ممكن بضغطة واحده تشتري اللي نفسك فيه من اي مكان ف العالم .
ودا اللي بتسعي ليه الشركات في الوقت الحالي وبتستخدمه في حملاتها التسويقيه وبتأكد علي انك ممكن تشتري اي حاجه من اي مكان ف العالم وتوصلك ف مكانك.
وبكدا نكون خلصنا مقال النهارده اللي اتكلمنا فيه عن تاريخ التسويق وبداياته والمراحل اللي مر بيها تطور التسويق، اتمنى تكون استفدت من المعلومات التي قولناها على مالتي كونتنت..