إتكلمنا في مقال سابق عن التصوير وأهميته وهنتكلم أنهاردا عن اهم معدات بنستخدمها فى التصوير نعرف سوا افضل انواع الكاميرات فتابع معايا اللي جاي..
لكل مصور تفضيله الخاص يعنى ممكن مصور يختار معدات ومصور تانى يختار معدات تانية خالص عشان كدة بيعتمد معدات التصوير على تفضيلات المصور و زوقه الشخصى ومش لازم المعدات تكون غاليه عشان تكون كويسة ممكن يستخدم المصور معدات عاديه وينتج بيها صور حلوة جدا وتبقي مبهره كمان .
الكاميرا هى تعتبر اساس التصوير واول حاجة بنفكر فيها لما نتكلم عن التصوير وممكن نستخدم كاميرا مش غاليه وتدينا نتيجة كويسة بس اهم حاجة فى الكاميرا الضبط البؤرى بتاعها تلقائى وسليم وسريع واستخدمها للطاقة يكون فيه توفير.
فى الجزء دا ممكن نتكلم عن انواع الكاميرات المستخدمه وأفضل الانواع في الاستعمال .
للكاميرات أنواع كتيره بسبب نتوع انواع التصوير مثلا زي الكاميرات الرقمية وكاميرات مش متزودة بمرايا وكاميرات الموبايل ونتلكم دلوقتى عن انواع الكاميرات و اهم مميزاتهم.
ما هي أفضل أنواع الكاميرات؟
كاميرا Digital Single Lens Reflex
وهي كاميرا رقمية احادية العدسة دى تعتبر اشهر واكتر نوع كاميرا مستخدم من المصورين المحترفين واى مصور مبتداء وهى نسخة محدثة ورقمية من نوع قديم اسمه SLR كانت بستخدم فى الأفلام ،بنستخدم الكاميرا دلوقتى عشان سهولة تغيير العدسات وكتير من ملحقات الكاميرا ودا خلاها متعددة الاستعملات واختيار سهل للمبتدائين عشان يتعملوا التصوير وممكن نلاقيها باسعار مناسبة.
كاميرا عديمة المرايا Mirrorless
ودى ظهرت عام 2004 لكن منتشرت غير سنة 2012 والاختلاف الموجود فى الكاميرا دى مفيش مرايا داخل الكاميرا ودا سبب اختلاف انوع دا عن اى كاميرا تانية انه مش بيطلع صوت وكمان الصور دقيقة زى التصوير الرقمى وتعد الكاميرا عديمة المرايا اول اختيار لتصوير المناسبات وحفلات الزفاف ومباريات الرياضية بسبب دقة التصوير وكمان دقة التكبير الموجودة فيها .
كاميرا Medium Format Camera
النوع اللى بعدو هى الكاميرا متوسطة التنسيق ومعنى متوسط التنسيق انه بيشير على الفيلم 120 مستخدم فيها مستخدم فى كاميرات افلام دى وهى كاميرات دقة عاليا جدا بتستخدم فى انواع معينه من الأعلانات بتحتاج دقة عالية فى جانب سلبي للكاميرا دى هو إن سعرها غالي جدا بس ممكن تتاجر من وكلات معتمدة وموثوقة .
كاميرا 360 درجة
وهى من اهم الكاميرات المستخدمة فى تصوير حول العالم بتصور بيها المناظر الطبيعية ويتم تصوير بيها النجوم لكن الكاميرا دى مش منتشرة حول العالم .
كاميرات الاكشن والحركة
وهى نوع من انوع الكاميرات المستخدمة فى الافلام وبتتميز النوع دة من الكاميرات انها صغيره وسهلة الحركة كمان ودا بيسهل استخدمها أكتر وكمان دقيقة وبتلقط التفاصيل كمان .
ودا بيخليها اول اختيار لمصورين أفلام الأكشن دقتها وصغر حجماها وكمان تثبيت الصورة فيها افضل من كاميرا بدون مرايا وفى كاميرا الأكشن تتميز بعدسة واسعة بتلقط مشهد واسع بدقة عاليا وكمان بالألوان الزاهية والواضحة كمان وتتميز الكاميرا باتصالها بالموبايل ودا ميزا كويسة إنه المصور بيتحكم فيها بكل حرية يشغل ويوقف او يقرب او يقص من التصوير اسعارها جيدة لكن عمر البطارية صغير بتحتاج تتشحن اكتر من مرة بس حجمها ممكن تتركب فى كل مكان ونصور الرياضي تتركب فى الخوذة او على العجلة نفسها وممكن على الباراشوت .
كاميرات الجسر الرقمية
النوع الى بعدو إسمه ودا نوع فيه تشابه بالكاميرات الDSLR فى نوع العدسة المستخدمة لكن مختلف فى الحجم والوزن وكمان اسهل فى الإستخدام المستشعر الموجود فى كاميرا الجسر بين كاميرات الموبايل والكاميرات المتتطورة حجمة متوسط مش صغير زى الموبايل ولا كبير زى DSLR و الكاميرا دى مش بيتغير لها العدسه بتنزل بعدسه ثابته وممكن نكبر او انصغر لكن فى الانواع الغاليه ممكن نكبر بنطاق افضل واوضح من الانواع التانيه.
كاميرات الموبايل المحمول
وتعتبر من اكتر الانواع انتشار وكل واحد مننا معاه افضل واحدث كاميرا رقميه معروفه فى الوقت الحالى بسبب انتشار كاميرا الهاتف المحمول اثر على مبيعات الانواع التانيه وكمان خلنا نستخدم احدث انواع الكاميرا .
كدة عرفنا بعض انواع الكاميرات المستخدمة فى التصوير وعرفنا ان الكاميرات تعد اهم معدات التصوير هنتكلم دلوقتى على العداسات وهى إنها اهم ملحقات الكاميرا وبيحتاج المصور التدريب على استخدامها كتير عشان يعرف يتستخدمها وبيحتاج المصور أكتر من عدسة لتدريب ويفضل قبل ما تشترى عدسة اجر اكتر من عدسة للتجربة قبل ما تشترى ودة افضل .
ما هي معدات التصوير؟
1) شنطة الكاميرا
ومن اهم معدات التصوير هى لازم تكون متصممة إنها تشيل كل معدات الكاميرا من عداسات لكاميرا نفسها وكمان تحافظ على الكاميرا من الصدمات والتجريح فى العدسات عشان بتبقى حساسة جدا ولازم شنطة الكاميرا تحافظ على المعدات من الأمطار وممنساش إن المعدات دى غاليا لازم نحافظ عليها علشان نقدر نستخدمها اطول وقت ممكن .
2) الحامل ثلاثى الأرجل
من أهم المعدات فى التصوير هو الحامل ثلاثى الأرجل ودا حامل من الألومنيوم ويعتبر مهم جدا عشان بنحط عليه الكاميرا للتصوير ولازم يكون ثابت كويس عشان تتطلع الصورة ثابتة مش مهزوزة وبتساعدنا جدا فى تصوير المناظر الطبيعية .
3) حزام الكاميرا
يعد حزام الكاميرا من اهم المعدات التصوير عشان بتركب فى الكاميرا ونعلقها على الرقبه او الكتف واحنا بنختاروا لازم نركز إنه متين .
4) خلفيات التصوير
الخلفيات من معدات التصوير بتمييز مصور عن التانى عشان المصور الشاطر بيحضر خلفيات تستخدم فى كذا حاجة مش لحاجة واحدة بس و بيجهزا دايما عشان ميخدش وقت فى تعديل الصور واهم المواد بنستعملها فى الخلفيات هى القماش السميك واللوان مختلفة .
5) بطاقة الذاكرة الرقمية
لما بنصور بنحتاج مكان نحفظ فيه الصور ونلاقيها بسرعه بنستخدم بطاقة الذاكرة الخارجيه عشان نحفظ عليها الشغل كله وعشان إننا بنعتمد على بطاقة الذاكرة الرقمية لازم نختارها بعناية وكمان من موقع او مكان موثوق عشان ناخد جودة كويسة.
6) الإضاءة
عشان نصور بجودة كويسة لازم يكون فى إضاءة كويسة موضحة اللى بيتصور والإضاءة العالية دى ليها إنعكاس بنسخدم العاكس وهو من اهم معدات التصوير عشان يعكس الظل الناتج عن الإضاءة وبيتميز إنه ضوء ناعم ومش عالى جدا بيعكس الظل الناتج عن إضاءة التصوير .
بنستخدم الكاميرا فى التصوير الكاميرات والإضاءات وأكتر من معدات بتحتاج بطاريات بيتعاد شحنها عشان كدة المصور المحترف لازم يكون معاه كذا بطارية مشحونة إحتياطى لأى مشكلة ممكن تحصل او لشغل مفاجاءه يكون جاهز فأى وقت لأى حاجة.
مع اى كاميرا مدمج فيها فلاش لكن الفلاش دا مش كويس زى الفلاش الخارجى طبعا مش بنصور فى الضلمة لكن فى وقت من الاوقات الظروف ممكن نحتاج الفلاش الخارجى ونستخدمه.
سمعت عن المرشحات ودى من اهم المعدات الملحقة بالتصوير كمان دى ما اهم المعدات عشان بتظبط الضوء.
أنواع مرشحات العدسات
المرشحات الشفافة
اسمها كمان مرشحات HAZE او UV وهى مرشحات شفافة تحمى العدسة واحسن المرشحات حماية هى اغلاهم سعر لكن برضو المرشحات الارخص بتحمى وبتكون كويسة .
المرشحات المستقطبة
وهى مهمة جدا للمصور خارج الاستوديو عشان بتنقى السما وتوضح مظهرها .
مرشحات الكثافة المحايدة
مرشحات بتستخدم فى التشويش أو تقليل الإضاءة فى المناطق الساطعة.
مرشحات متدرجة الالوان
وهى بتستخدم عدة استخدمات فى تعديل الألوان فى التصوير الخارجى.
من اهم معدات التصوير او ادوات التصوير هو طقم تنظيف الكاميرات وهو بيستخدم لو اتسرب للمعدات اى غبار لازم نستعملها دوريا للتنظيف .
وبكدا نكون خلصنا كلام عن معدات التصوير وأفضل أنواع الكاميرات اللي ممكن تستخدمها عشان تطلع صورة جودتها كويسة واستنونا دايما بمعلومة جديدة على مالتي كونتنت.