الربح من التصوير على مواقع العمل الحر.. إليك 7 مواقع

عندك هواية التصوير.. تعرف إنك ممكن تشتغل من البيت على مواقع الربح من التصوير وتقبض بالدولار في مجال التصوير الفوتوغرافي وكمان تقدر تبيع صورك على مواقع عالمية و تستغل موهبتك دي في زيادة دخلك.

في المقال دا جمعنا لك مواقع كتير متخصصة في الربح من التصوير  وبيع الصور و تقدر إنك ترفع صورك عليها وهقولك كمان مميزات وعيوب كل موقع وإزاي تقدر تسحب فلوسك من عليه فتابع معايا اللي جاي..

أهم مواقع الربح من التصوير

موقع eyeka

أول موقع في شغل التصوير على منصات العمل الحر هنتكلم عنه هو موقع eyeka ويعتبر من المواقع الموثوقة اللي تقدر تشتغل عليها و تبيع صورك كمان أنت اللي تحدد سعر الصور اللي هتبيعها، وكمان بيقدم الموقع ميزة المسابقات واللي بتشارك فيها بصورك.

تقدر تسجل الدخول على الموقع من اللينك التالي:

https://www.eyeka.com/

بعدها تختار sign up وتعمل حساب على الموقع وتبدأ ترفع شغلك عليه

وكمان تقدر تسحب الربح من التصوير من خلال موقع Payoneer وهو موقع بيحول فلوسك عن طريق الحساب البنكي الخاص بيك بسهولة من خلال بطاقة الإئتمان أو التحويل البنكي.

موقع ShutterStock

تاني موقع معانا في مواقع الربح من التصوير على منصات العمل الحر هو موقع ShutterStock ويعتبر من أكثر المواقع العالمية الموثوقة لعرض الصور واللي من خلالها تقدر تعرض صورك والعميل اللى هيحمل صورك هيكون ليك نسبة من الأرباح واللي بتكون 30%.

شروط العمل على موقع ShutterStock

يقدر العميل يسجل على الموقع من خلال  إشتراك شهري أو سنوي ويقدر ينزل صورك من على الموقع .

كمان من شروط العمل على موقع ShutterStock إن لازم صورك تكون بصيغة PNG وكمان حجمها ميقلش عن 4 ميجا بيكسل.

تقدر تسحب فلوسك من موقع ShutterStock من خلال البنك الإلكتروني PAYPAL أو SKRILL أو من خلال شيك بيتم إرساله من خلال البريد الإلكتروني على عنوانك.

تقدر تشترك على الموقع من خلال اللينك التالي:

https://www.shutterstock.com/

وتدخل بعدها إلى صفحة التسجيل وتدخل بياناتك الشخصية، كمان بيطلب منك الموقع إثبات الهوية عن طريق رفع صورة بطاقتك الشخصية أو جواز السفر، بعدها تقدر ترفع الصور الخاصة بيك وتحصل على أرباح بداية من 35$.

موقع imagekind

تالت موقع معانا تقدر تبيع صورك عليه واللي فيه ميزة عن غيره انك أنت اللي بتحدد عمولتك على الصور سواء بمبلغ معين أو بنسبة مئوية ، كمان الموقع بيوفر للعميل طباعة صورك اللي بتبيعها.

تقدر تسحب أرباحك من موقع imagekind عن طريق PAYPAL أو من خلال شيك مصرفي.

تقدر تسجل دخول على الموقع من خلال الرابط التالي:

http://www.imagekind.com/

تقدر بسهولة ترفع صورك من خلال الدخول على الموقع، نسيت أقولك أن موقع imagekind من أقدم المواقع اللي بتشتغل في بيع الصور من سنة 2006  وموجود عليه 100 ألف مصور لحد دلوقتي .

مميزات موقع imagekind

• تقدر تعمل حساب عليه بشكل مجاني.
• الموقع بيوفر ميزة تحويل الصور للمتسوق إلى لوحة فنية زي لوحات المتاحف بالظبط.
• سوق ضخم خاص بالأعمال الفنية.
• موقع قديم يضمنلك الأمان والخصوصية.
• موقع رائد في مجال بيع الصور.
• كمان في ميزة بيوفرها موقع imagekind وهو تحويل الصور إلى مطبوعات و إرسالها لأي دولة.

طريقة الاشتراك في موقع imagekind

بعد لما تدخل على الموقع تضغط على join for free ،هنا هيطلب منك الموقع إدخال معلوماتك الشخصية زي الاسم والإيميل والباسورد واسم لرابط معرضك ، بعد لما تخلص الخطوات دي هتكون انشأت حساب على موقع imagekind بنجاح.

بعدها تقدر ترفع الصور المميزة اللي عندك وتحدد سعر كل صورة او النسبة لكل عملية ،بعد كده هيجيلك مبيعات من الموقع.

موقع Fotolia

رابع موقع معانا تقدر تبيع صورك عليه هو موقع Fotolia ويعتبر أشهر مواقع الربح من التصوير ومن المواقع القمة في المجال ، لأنه مختلف عن غيره من المواقع في انه بيوفر ميزة تعديل الصور وبيوفر كمان كتير من المميزات.

طريقة الاشتراك في موقع Fotolia

تقدر تدخل على اللينك دا :

https://www.fotolia.com/

تضغط على sign up  وبعدها هتدخل على صفحة تاني عشان تعمل حساب على adobe ، بعدها هتكتب معلوماتك الشخصية وهتفعل الحساب من خلال الرسالة اللي هتجيلك على بريدك الإلكتروني، وبكده تقدر ترفع صورك على الموقع، بتكون نسبة الربح على الموقع من 20% وممكن توصل ل60%.

موقع Bigstockphoto

خامس موقع معانا متخصص في الربح من التصوير على مواقع العمل الحر هو موقع Bigstockphoto ويعتبر من افضل مواقع بيع الصور والتصميمات لأنه بيضم عدد كبير من المصورين الي بيقدمو أعمالهم الخاصة للبيع.

طريقة العمل على موقع Bigstockphoto

تختلف طريقة العمل على موقع Bigstockphoto عن غيره من المواقع لان أرباحك معتمدة على المستخدم لانه بيحدد بس الحجم اللي يناسبه من الصورة وانت تربح مقابل الجزء دا، والربح اللي هتاخده ممكن يوصل ل50$ لكل صورة.

تقدر تسجل على الموقع من خلال الدخول على اللينك التالي:

https://www.bigstockphoto.com/

وبعد كده تضغط على sign up وتدخل بياناتك الشخصية وبكدا تكون عملت حساب على الموقع.

تقدر تسحب الأرباح الخاصة بيك واللي هتبدأ من 50$ من بنوك paypal أو skrill أو من خلال شيك مصرفي.

موقع Dreamstime

سادس موقع معانا للربح من بيع الصور هو موقع Dreamstime ويعتبر من المواقع القديمة واللي بدأت شغلها في سنة 2000 ودا اللي خلاه من رواد مجال بيع الصور على الانترنت، موجود على الموقع كتير من المصورين وبيجي على الموقع عدد كبير من الزوار بشكل شهري.

تقدر ترفع صورك على موقع Dreamstime والربح على الموقع ممكن يوصل ل20 دولار ونسبة الربح ممكن توصل ل50% ،وتقدر تسحب أرباحك من خلال paypal أو paioneer أو skrill .

تقدر تدخل على الرابط التالي وتسجل على الموقع:

https://www.dreamstime.com/

موقع eyeEm

سابع موقع هنتكلم عنه في مجال الربح من التصوير يعتبر موقع eyeEm من أكتر المواقع المميزة في مجال بيع الصور لانه قدر يوصل لعدد كبير من المشتركين في كتير من دول العالم.

تقدر انت كمان تشترك على الموقع وتشارك بصورك وأعمالك الفنية وتحصل على أرباح ممكن توصل ل150$ ونسبتك من الربح ممكن توصل ل50% .

بيوفر الموقع برضو ميزة المسابقات ودي مسابقة بينظمها واحدة من أكبر الشركات العالمية لأفضل صورة والربح من الجائزة ممكن يوصل ل100 دولار.

بكدا نكون اتكلمنا عن أفضل 7 مواقع تقدر تشتغل عليها في مجال التصوير  وكمان تقدر تكسب دخل شهري عن طريقها،

لكن أهم حاجة تنمي موهبتك باستمرار عن طريق التعليم والتطبيق عشان تقدر توصل لدرجة عالية من الإحترافية، وترفع صورك بجودة عالية وبالتالي العميل يحملها وتزود دخلك.