الربح من المونتاج.. إليك أشهر 9 مواقع العمل الحر

كتير مننا بيفكر أن شغلانة المونتاج مش بتكسب لكن في الحقيقة إن شغل المونتاج أرباحه كبيرة جدا لو استغليت خبرتك في المكان الصح .

وبعد بحث طويل جمعنا لك أفضل مواقع الربح من المونتاج اللي تقدر تستغل مهارتك من خلالها وتزود دخلك لو بتدور على شغل فريلانسر فتابع معايا اللي جاي..

هنتعرف دلوقتي على أشهر مواقع الربح من المونتاج على مستوى العالم تقدر تلاقي عليها شغل أونلاين في مجال المونتاج وتحرير الفيديوهات وكمان هنقولك ازاي تسجل علي المواقع دي  ..

أشهر مواقع الربح من المونتاج

موقع Fiverr

دا موقع غني عن التعريف وواحد من أفضل مواقع الربح من المونتاج على الإنترنت تقدر عن طريقه تشتغل في مجال تحرير الفيديوهات .

ورغم شهرة الموقع الكبيرة إلا انك تقدر تعمل حساب عليه بشكل مجاني.

ويعتمد الشغل على موقع Fiverr على تقييمات العميل ، يعني لو قدمت عمل غير مناسب هتحصل على تقييم منخفض وده هيأثر على شغلك بعد كده فلازم تحافظ على تقديم شغلك بأعلى جودة عشان تاخد أعلى تقييم .

موقع Fiverr بيكون هو الوسيط بينك وبين العميل ولما بتوافق على شروط العمل لازم طبعاً تلتزم بيها.

تقدر تدخل على الرابط التالي وتسجل عليه وتختار مجال تحرير الفيديوهات

https://www.fiverr.com/

موقع viedit

من أشهر منصات تحرير الفيديو واللي بتستهدف جميع انواع محرري الفيديو والرسوم المتحركة .

العمل على موقع viedit بيكون من خلال أن العميل بينشر المشروع وبعدها بيقدم الأشخاص اللي شغالين في تحرير الفيديو واللي انت واحد منهم عروض عشان يشتغلو علي المشروع عن طريق الربح من المونتاج بالسعر المناسب.

وبمجرد أن العميل يقبل عرضك بيحولك الفلوس على الموقع وبمجرد ما تنتهي من المشروع بيحولك الموقع دفعتك من المبلغ.

تقدر تسجل على الموقع من خلال الرابط التالي

https://viedit.com/video-editor

موقع upwork

يعتبر موقع upwork من أكبر المواقع العالمية للربح من المونتاج وموجود عليه اكتر من 15 مليون فريلانسر وأكتر من 5 مليون عميل مسجلين على الموقع، بيتم نشر بشكل سنوي أكتر من 3 مليون وظيفة على الموقع .

بتقدر تسجل على الموقع بشكل مجاني وتكتب خبراتك في مجال تحرير الفيديوهات والمونتاج وتبدأ كمان تكتب المبلغ المناسب مقابل ساعة العمل الواحدة.

بمجرد ما يتم إنشاء حسابك بتبدأ تدور في مربع البحث داخل الموقع على تحرير الفيديوهات والمونتاج وهيظهرلك عدد كبير من العروض تقدر تقدم على أي مشروع منهم .

يتميز موقع upwork أن التسجيل عليه بيكون بشكل مجاني تماما ولكن يوجد خدمات إضافية تقدر تدفع لها إشتراك شهري .

تقدر تسجل على الموقع من خلال الرابط التالي

https://www.upwork.com/

 الربح من المونتاج عن طريق موقع uscreen

موقع uscreen مختلف عن باقي المواقع في انه بيخليك تنشىء منصة بيع الفيديوهات الخاص بيك وتقدر ترفع عليها مقاطع فيديو وتحدد سعر لكل فيديو وتكون انت المالك لهذا المتجر، بيوفر uscreen  أكثر من خيار لتحديد الدفع من العميل واللي أشهرها paypal و braintree و stripe .

موقع uscreen بياخد منك رسوم شهريا تتراوح بين 99 دولار و 390 دولار ودا مقابل استضافة متجر الفيديوهات الخاص بك.

طريقة الاشتراك في موقع uscreen

بتدخل على الموقع من خلال الرابط التالي  https://www.uscreen.tv/

وبعدين بتختار خطة الاشتراك المناسبة ليك وتأكد عملية التسجيل ، بعدها بتبدأ ترفع مقاطع الفيديو وتحدد سعر لمحتوى الفيديو الخاص بيك، بعدها تختار المظهر المناسب لحسابك .

لازم تحدد نظام الدفع اللي يناسبك عشان تسهل على العميل الاستمتاع بالمحتوى اللي بتنزله بدون مشاكل.

موقع عربي متخصص في الربح من المونتاج  mostaql

طبعاً موقع غني عن التعريف في مجال الربح من المونتاج ويعتبر أكبر منصة للعمل الحر في العالم العربي، يتميز موقع مستقل أن يومياً بيتنشر عليه مشاريع واللي تقدر تلاقي عليه عدد كبير من الفرص اللي تناسبك في مجال تحرير الفيديوهات.

طبعاً الموقع متاح باللغة العربية ، وأكثر الأعمال عليه بتكون لأشخاص في دول الوطن العربي.

يعتمد موقع مستقل في عمله على أن صاحب المشروع يقوم بنشر العمل على الموقع ويقوم الشخص الباحث عن فرصة وهو حضرتك بتقديم عرضه وبيكون موقع مستقل هو الوسيط بين الطرفين.

تقدر تدخل على الموقع وتسجل عليه من خلال الرابط التالي

https://mostaql.com/

موقع indeed

يعتبر موقع indeed هو رقم واحد في مجال العمل الحر ودا لان بيجي عليه أكتر من 200 مليون زائر كل شهر ، بيهتم موقع indeed بالاشخاص اللي بيدوروا على فرص عمل وبيسهل عليهم انهم ينشرو السيرة الذاتية بتاعتهم ويدوروا على الشركات اللي بتقدم فرص عمل في مجالات كتير وخصوصاً المونتاج اللي بنتكلم عنه.

تقدر تلاقي عليه فرص عمل كتيره جدا في مجال تحرير الفيديوهات في نطاق دولتك أو في دول العالم العربي .

كل اللي عليك انك تدخل على رابط الموقع وتعمل حساب عليه بسهولة

https://eg.indeed.com/

موقع freelancer

من أشهر مواقع العمل على الانترنت هو موقع freelancer ونظام الشغل عليه زي باقي المواقع وهو أن صاحب المشروع بيرفع الشغل المطلوب ويبدأ الأشخاص اللي بيدوروا على عمل انهم يقدموا عروضهم لتنفيذ الشغل دا كل واحد على حسب تقديره وبيختار صاحب العمل الشخص المناسب في الآخر.

تقدر تسجل على الموقع بسهولة من خلال الرابط التالي وتبدأ تحدد مجال المونتاج

https://www.freelancer.com/

موقع khamsat

موقع خمسات يعتبر واحد من أهم مواقع العمل الحر واللي بيوفرلك فرصة عرض وبيع الخدمات زي تحرير الفيديوهات ، تقدر تسجل علي الموقع بسهولة من خلال الرابط التالي ، مبدأ الشغل علي موقع خمسات يشبه كتير موقع مستقل اللي اتكلمنا عنه في أن العميل بينشر أنه محتاج حد يعمله مونتاج لمشروع معين ويبدأ الأشخاص علي الموقع تقديم عروضهم وبعدها يختار صاحب المشروع الشخص المناسب.

تقدر تسجل علي الموقع بسهولة من خلال الرابط التالي

https://khamsat.com/

موقع Roxio photoshow

من المواقع اللي بتقدم فرص عمل في مجال المونتاج هو موقع Roxio photoshow ، تقدر تستلم أرباحك من الموقع عبر حساب paypal ، كمان الموقع بيوفر لك ميزة الحصول على أدوات تقدر من خلالها تعدل على الفيديوهات وتضيف التأثيرات اللي انت عايزها كل دا بشكل مجاني .

وبكدا نكون خلصنا كلامنا عن أشهر مواقع العمل على الانترنت في مجال المونتاج وتحرير الفيديوهات ونتمنى تكون المعلومات واضحة وبسيطة..

لو عجبك المقال ممكن تشيره مع زمايلك وتخليهم هما كمان يستفادوا..