التصنيف جوائز ومنح

على موقع مالتي كونتنت هتلاقي كل حاجة تخص جوائز ومنح في مجالات الكتابة والتصوير والمونتاج وكمان هنساعدك تقدم في المنح دي ومن الجوائز اللي اتكلمنا عنها هي جوائز التصوير ..

ممكن من خلال مسابقات التصوير اللى هنتكلم عليه تحت في المقال تفيدك في تحقيق حلمك وفي الحصول على المعدات تحولك من مصور مبتدأ إلى مصور محترف.

كمان لو أنت من الأشخاص اللى بتحب الشهرة أو بتحب السفر وهواياتك التصوير فأكيد المقال دا ليك لأنك هتقدر تسافر وتتشهر من خلال مسابقات التصوير ودا اللى هنعرفه في المقال؛ يلا بينا نتعرف على التصوير وجوائزه وكل ما يخصه.

جوائز مجال التصوير

بيحصل في إيطاليا في الفترة الأخيرة مسابقات كتير، وجوايز بتتقدم للناس اللى بتشترك في المسابقات وبالذات المسابقات اللي  ليها علاقة بموضوع التصوير اللى بنتكلم فيه ، زي جائزة سينا الدولية للصور، وهنعرف في المقال تحت أي هي جائزة سينا الدولية للتصوير.

جائزة سيينا الدولية للتصوير

الجائزة بياخدها الناس اللي بيدخلوا مسابقة الصور الفوتوغرافية.
المسابقة دي بتكون مفتوحة لأي مصور يعنى بيقدرك المشارك فيها تقديم أي صورة من اختياره، يعني بيكون للمصور كل الحرية في أنه يحتار الصورة اللى هيشارك فيها.
وأى مصورة من كل دول العالم ليه الحق والحرية أنه يدخل مسابقة سيينا الدولية.
مسابقة سيينا الدولية تعتبر من أكتر المسابقات اللى بيشترك فيها أعداد كبيرة من كل دول العالم.

وزى ما عرفنا أى هي جائزة سيينا للتصوير اللى بياخدها الناس اللى بتشارك، يلا بينا نعرف أى هى الحاجات والشروط اللى بيطلبوها عشان ندخل المسابقة دي.

شروط المشاركة في مسابقة سيينا

المشاركة في مسابقة سيينا الدولية للتصوير الفوتوغرافي بتكون مفتوحة لأى حد من المصورين، يعني بتكون للمصور المحترف والمصور غير المحترف كمان، يعني بتكون غير مقتصرة على حد بعينه.
أى حد بيخالف الشروط والقواعد اللى بتحطها اللجنة المنظمة بيتم استبعاده مباشرة من المسابقة.
وممكن ميقتصرش استبعادك على مخالفة الشروط؛ ممكن يتم استبعادك بسبب وجهة نظر أحد أعضاء اللجنة المنظمة.