التصنيف مونتاج

مونتاج هو فن اختيار وترتيب المشاهد المصورة سابقا ووضعها وترتيبها فى سياق درامى معين له هدف معين علشان كدة بنرتب الاحداث علشان تخدم العمل الدرامى علشان نوصل فكرة او قصة معينة للجمهور .

أساسيات المونتاج

ممكن نعدل الاجزاء المتصورة من العمل ونرتبها بطريقة درامية محبوكة.
وداخل اختيار الاجزاء برضو بنختار اجزاء هنستخدمها واجزاء هنحذفها و نعدل على الاضاءة او نحط فلتر نعدل الالوان ونعدل زوايا التصوير الافضل ممكن نختار احسن لقطة بتظهر المشاعر افضل ممكن يعدل كل حاجة حرفيا حتى سرعة الفيديو ترتيب الاحداث والمشاهد المؤثرة .
المونتاج هو اساس اى عمل درامى ناجح لو انا كتبت اسكربت حلو جدا وجبت ممثلين حلوين جدا لكن معملتش مونتاج كويس احتمال كبير اوى ان العمل ميحققش النجاح المطلوب او المتوقع.

علشان كدة مينفعش نقلل من المونتاج ونقول انه مش مهم بالعكس دة مهم زى اهمية الاسكربت زى اهمية اتقان الممثل للدور المونتاج مهم جدا فى تغيير الاحداث ممكن نغير كل حاجة بجد .

ظهور الموتناج على الساحة :

فكرة انك تقص الفيديو وتعدل علية مكانتش موجودة فى بداية السينما ودا خلى المصورين والمخرجين يفكرو فيها انهم محتاجين يعدلو على الفيديو المصور دا، لأن ممكن لقطة اتصورت غلط او مش و اضحة أو ممكن اتمثل غلط فكانت الفكرة مطروحة لكن أول من وصلو وحاولوا ينفذوها هما الروس.

واستخدموه بعد الثورة الاشتراكية 1917 كانت اعمال الروس مختلفة عن اى اعمال فى نفس العصر اول مخرج يستخدم المونتاج وكانت تجربة نقدر نقول عليها مبهر هى تجربة المخرج فلاديميروفيتش كولييشوف.

وهو اخرج فيلم قصير يظهر فى اول لقطة للفيلم لشخصية واحدة اسمها ايفان موجيسكين بتظهر بوجها فقط بعديها يتنقل المشهد لطبق شوربة وبعديها كذا لقطة مختلفة.
عرفنا أول حد استعمل المونتاج فعلياً، طيب عاوزين نعرف أهم نصائح لإخراج فيديو ممنتج بطريقة احترافية.
أول حاجة لازم فى قصة للفيديو مش فيديو والسلام، يعنى لازم نختار قصة للفيديو حتى لو كان فيديو فى حياتنا اليومية، من غير قصة صعب يطلع فيديو حلو.

حاجة تانية زى القصة ونفس اهميتها هى اضاءة الفيديو اضاءة الفيديو اهم عامل من عوامل انه يظهر بشكل حلو وواضح بعد ما اختارنا مكان واضاءة مناسبة للتصوير وقصة كويسة نصور القصة بعد كدة نرتب الاحداث بشكل منظم ودرامى بحيث يخللي المشاهد متحمس إنه يشوف القصة والفيديو ونتاكد ان ترتيب الاحداث كويس ومقبول بالنسبة للقصة.
نصائح مهمة تساعدك فى المونتاج تنتج الفيديو بطريقة مبهرة.
اول حاجة اختار برنامج مونتاج جيد ممكن يساعدك كتير دا أهم حاجة، لأنه هيساعدك إنك تنتج فيلم او فيديو بجودة كويسة وافضل من برامج مش معروفة.