في عالم التسويق و انتشار الدعايات ظهر التسويق بالمحتوى و اصبح أمر ضروري مش مجرد طريقة تميز الإعلان بتاعك لكنها ضرورة لأي علامة تجارية عايزة تبني علاقة مع جمهورها بطريقة مستمرة التسويق بالمحتوى فن في صناعة خلفية مهمة ومستمرة علشان تجذب وتجمع الجمهور المستهدف وتقدر تتواصل معاه.
هنتكلم النهاردة بشكل تفصيلي عن التسويق بالمحتوي وأنواعه وإزاي تبدأ فيه.. تابع معايا المقال على موقع مالتي كونتنت.
المحتويات
إخفاء
كيف يتم إنشاء استراتيجية تسويق المحتوى؟
أولا لازم تحدد جمهورك
قبل ما تبتدي تعمل المحتوى وكمان لازم تفهم مين جمهورك قول نفسك مين دول؟ أهم اهتماماتهم ايه؟ مشاكلهم ايه اللي منتجك أو خدمتك بتقدر تحلها؟
ثانيا تحديد الأهداف
والهدف اللي عايز توصله بتسويق المحتوى؟ هل هتزيد الوعي بالعلامة التجارية ؟ هل هتجيب عملاء جدد؟ حدد أهدافك بدقة علشان تقدر تقيس نجاح الحملة اللي اشتغلت عليها
ثالثا إنشاء المحتوى
بعد ما عرفت جمهورك وأهدافك وقتها تقدر تبتدي تعمل المحتوى و اتأكد إن المحتوى اللي بتعمله بيعكس قيم ورسائل علامتك التجارية المحتوى لازم يكون مفيد، ومسلي وضروري يكون على أعلى مستوى.
رابعا توزيع المحتوى
لأن إنشاء المحتوى مش كفاية ضروري تاخد بالك من توزيع المحتوى بشكل فعّال اختار القنوات اللي جمهورك بيكون فيها سواء على مواقع التواصل الاجتماعي أو المدونات أو حتى الرسائل الإلكترونية
خامسا قياس النتائج
بعد ما توزع المحتوى ولازم تستخدم الأدوات المتاحة علشان تحلل أداء المحتوى هل الحملة حققت أهدافها؟ ويا ترى في حاجات ممكن تتحسن؟
كيف يتم تحديد ميزانية التسويق؟
تحديد الميزانية المناسبة لاستراتيجية التسويق بالمحتوى جزء مهم جدا مش ممكن تتجاهله ومهم جدا برضو انك تبتدي في التفكير في فلوس الإعلانات أو التمويل والمحتوى وده يخليك تنتبه للحاجات دي:
- فلوس إنتاج المحتوى.
- فلوس الأدوات اللي هتستخدمها لنشر المحتوى.
- فلوس الترويج للمحتوى لو ناوي تعمل إعلانات ممولة.
لو لاقيت إن الميزانية اللي عندك مش كافية للي انت خططت له لازم تفكر تاني في نوعية الإعلانات والمنصات اللي اخترتها وتختار بس اللي هيجيب لك أفضل نتيجة ولو جالك فرصة تزيد الميزانية في المستقبل وقتها تبتدي تفكر في إضافة أنواع منصات تانية
أمثلة على التسويق بالمحتوى
لو عندك مشروع بيقدم خدمات تحسين ال seo او تحسين محركات البحث ف دي فرصه ممتازه تقدر من خلالها تستخدم التسويق بالمحتوى يعني مثلا تحط مدونة على موقعك وتكتب مقالات عن كل حاجة زي تحسين موقعك في جوجل وكلمات البحث واستراتيجيات تحسين محركات البحث وكمان ممكن تكتب عن الكتابة الإبداعية ومواضيع تشبهلها اللي الناس بيحبوا يعرفوها ويبحثوا عنها باستمرار.
و لما اليوزر او المستخدم يدور على جوجل عن أي حاجة من دي ويشوف مقالك لو اتأثر بجودته وفهم المقصود من المقال ممكن يتواصل معاك عشان يسأل عن خدماتك حتى لو معندهوش استعداد يشتري الخدمات بتاعتك دي دلوقتي القيمة اللي استفاد منها هتخليه يفكر في التعامل معاك في المستقبل.
ومثلا لو عندك لو انت تاجر ملابس تقدر تستخدم التسويق بالمحتوى بعمل فيديوهات تعليمية زي ازاي اختيار الملابس المناسبة في المناسبات المختلفة وأفكار عن الألوان اللي تتناسب مع بعضها
لما الجمهور يشوف إنّك خبير في مجالك وبتقدم لهم نصائح مفيدة في وقت اللي يحتاجوا فيه لملابس او وقت ما يحتاجو الخدمه اللي بتقدمها فورا هيفتكروك وهيفتكروا نصايحك واقتراحاتك وممكن يدوروا عليك عشان يشتروا حاجة من الملابس اللي اقترحتها او يستشيروك في الخدمه اللي بتقدمها أو حتى يشوفوا باقي الخيارات التي ممكن تقدمهالهم عموما.
ما هو تعريف التسويق بالمحتوى؟
التسويق بالمحتوى بالظبط زي لما تحضر مادة تسويقية زي الفيديوهات والصور والمقالات وبتنشرها على الانترنت بشكل عام أو على وسائل التواصل الاجتماعي والمواقع الإلكترونية والتطبيقات والهدف من العملية دي هو إنك توصول للناس اللي مهتمة بالمجال اللي أنت فيه وتعمل للعلامة التجارية تسويق قوي وتزيد انتشارها وبالتالي تزيد مبيعاتها
فوائد التسويق بالمحتوى
- توعية الناس بمنتجاتك أو خدماتك.
- زيادة نسبة الناس اللي بتشتري منتجاتك بسبب مشاركة المحتوى.
- علامتك التجارية هتدخل في حياة الناس وهتشرح ازاى هتحل مشاكلهم.
- هتبني علاقة وثيقة بين علامتك التجارية وعملائك وبالتالي هيبقى في مجتمع داعم ليها.
أنواع التسويق بالمحتوى
لو قولتلك ان في اكتر من 3.6 مليار شخص في العالم بيستخدمو وسائل التواصل الاجتماعي مش هتستغرب ابدا ليه في شركات تسويق كتير وكبيره بتهتم جدا بالتسويق وخصوصا التسويق بالمحتوى بيهتمو بنشر محتواهم التسويقي دا عن طريق فيس بوك وانستجرام وتويتر ولينكد إن وسناب تشات وغيرهم من التطبيقات اللى بيستخدمها ملايين من البشر كل يوم والمنصات دي بتسمحلك انك تنشرو تشارك أنواع كتير و متنوعة من المحتوى زي الصور ومقاطع الفيديو سواء فيديوهات مباشره( لايف) او متسجله وكمان في امكانيه نشر القصص اللي بيبقي ليها وقت معين وبتتمسح بعده (ستوريز)
و في انواع كتير جدا من التسويق بالمحتوى هنتعرف عليها سوا دلوقتي:
الإنفوجرافيك
الجرافيك بيبقى عبارة عن تصميمات بتعرض المعلومات والبيانات بطريقة سهلة ومفهومة وجذابة، الجمال في الجرافيك إنه يوصل المعلومة بطريقة سهلة للناس ويكون مفيد جدًا في حالة كان الموضوع معقد.
مدونات المواقع الالكترونية
المدونة بتبقى مكان يستوعب محتوى قوي من حيث الكلام و اللي بيتيحلك كمان تعبّر بأشكال مختلفة وبتقدر تعمل دعاية للموقع اللي بينشر فيه عن طريق روابط خارجية ومشاركة المقالات على السوشيال ميديا.
البودكاست
في إحصائيات بتقول إن 49% من الشباب بيسمعوا لبودكاست واحد على الأقل في الشهر ودول يستمعوا بمتوسط 6 ساعات في الأسبوع و البودكاست بيبقى تسجيل صوتي لنقاش أو الكلام او عرض موضوع معين و ممكن من خلاله يتم التسويق لمنتج او لخدمه خصوصا لو المنتج او الخدمه دي ليها علاقه بالموضوع او النقاش الخاص بحلقة البودكاست.
محتوى الفيديو
المحتوى المرئي او الفيديوهات هي طريقه بتفضلها ناس كتير عشان تتعرف على منتجات وخدمات بيتم تقديمها للجمهور و بتلاقيه موجود في كل مكان على السوشيال ميديا وبتقدر تشاركه بأكتر من طريقة زي القصص والريلز والمنشورات.
الإعلانات المدفوعة أو الممولة
الإعلانات المدفوعة بتساعدك توصل لعدد أكبر من الجمهور وفي نطاق أوسع عن طريق وسائل مختلفة زي السوشيال ميديا اللي منها فيس بوك وانستجرام و سناب شات وكل مواقع ومدونات جوجل.
النشرات البريدية
النشرات البريدية دي جزء من التسويق على الإيميل وده حاجة مهمة في التسويق بالمحتوى لإنها بتقدم محتوى مفيد و بيوصل للناس بسهولة عن طريق إيميلاتهم وممكن كمان تستفيد من الأتوماتيكية اللي بتقدمها أدوات التسويق على الايميل فمجرد ما حد يشترك في نشرتك البريدية بتبعتله مجموعة من الرسايل المفيدة اللي فيها:
- ردود على أسئلة العملاء المتوقعة مُسبقًا.
- روابط لمحتوى مفيد و مُتنوع زي المقالات والفيديوهات
- شرح مخصص ومفصل في موضوع معين خاص بالمحتوى
الكتب الإلكترونية
الكتب الإلكترونية هي طريقة كويسة تقدر تشارك بيها المعلومة أو المعرفه بشكل اعمق مع الناس وده نوع مهم في التسويق المحتوى خصوصًا في التسويق للشركات وممكن تستفيد من الكتب الإلكترونية كمان لما توصل لبريد إلكتروني للعملاء باشتراكهم في نشرتك البريدية وفي المقابل يستفيدو من الكتاب.
في النهاية التسويق بالمحتوى مش مجرد رحلة تسويق عادية ولكنها مغامرة ومع الوقت ومع اهتمامك بانك تسمع لجمهورك وتشتغل على تحسين استراتيجيتك بإستمرار هتبني علاقة قوية نتيجتها هتبقى ولاء العملاء ليك ولعلامتك التجارية وكمان هتبني الثقة ما بينك وبين جمهورك اللي بتستهدفه.