لو أنت شغال في مجال التسويق الرقمي Digital marketing فأنت أكيد مر عليك مصطلح زي الكوبي رايتنج (copy writing)، وفي المقال هنتكلم سوا عن copywriting بكل تفاصيله، ومعناه وخطوات copywriting، ونشرح لك ازاي تكون كوبي رايتر شاطر وتميز في المجال.
المحتويات
إخفاء
ما هو copywriting
copywriting هو فن كتابة الإعلانات، والسبب النهائي هو حث العميل على فعل معين، زي مثلاً يبعت لك خاص، أو يكلمك على الواتساب، أو يشتري خدمة أو منتج معين بتقدمه.
طبيعي هتسأل نفسك هنا سؤال، هل الكوبي رايتر بس بيكتب المحتوى الخاص بالإعلانات على مواقع التواصل الاجتماعي؟
الإجابة هي أكيد لا، الكوبي رايت زي ما قولنا فوق هي انك بتدفع العميل انه ياخد قرار، فالمحتوى الإعلاني كدا مش بس مقتصر على الإعلانات.
لا معاه كمان وصف كل المنتجات المطلوب بيعها، والمحتوى الخاص بصفحات الهبوط، ومحتوى الإعلانات بكل أشكالها، والمحتوى الترويجي لكل المواقع الإلكترونية.
ومن هنا المفروض نعرف إن الكوبي رايتر مهامه بتكون مختلفة عن مهام الكاتب العادي، مثال بسيط مثلاً، الشخص المسئول عن المبيعات، أو مندوب المبيعات الموجود في أي شركة أو مكان بيكون مسؤول عن عرض منتجه أو خدمته.
الكوبي رايتر زي المندوب بشكل كبير، فهو بيكون مسئول عن تسويق منتجه وعرضه بطريقه مرتبه وموضح مميزاته، ومقدم عيوبه بطريقة ذكية، لدرجة أنك ممكن تشوفها ميزة.
سؤال تاني دايمًا يتردد من ناس محتاجة تدخل مجال copywriting، وهو هل مطلوب مني عشان أكون كوبي رايتر إني أكون كاتب مميز لغويًا، يعنى أكون محترف جدًا وأقدر أقدم كلمات كبيرة ومعقدة؟
الإجابة هي أكيد لا، copywriting يختلف اختلاف كبير عن مجرد الكتابة العادية، ففي الكوبي رايتنج أنت كل تركيزك يكون على المنتج الأساسي المقدم للناس.
فمهم جدًا أنك تكون شخص مميز في كتابتك للإعلان، بطريقة تقدر من خلالها تبرز مزايا منتجك، لكن الأكيد غير مطلوب منك تكون كاتل محترف لغويًا وعندك حصيلة لغوية، على قد ما لازم يكون عندك حس بيعي، يعني تقدر تبيع أي منتج لأي شخص.
في الحالة دي بيكون عندي جزئين أساسين، هما المنتج والعميل، لازم أفهم الأساسيين دول بشكل مفصل جدًا في البداية، لأن الخطوة التانية أو باقي الخطوات كلها قايمة على دول.
أجزاء عمل الكوبي رايتر Copyriter
الجزء الأول: المنتج
المنتج هو البطل في الحكاية دي، يعني بطل الكوبي رايتنج copywriting بشكل عام، ففي البداية لازم تفهم من العميل كل تفاصيل المنتج الخاص بيك.
يعني تفهم الوصف الدقيق للمنتج، ودا عن طريق إنك تسأل العميل الأسئلة التفصيلية كلها.
يعني على سبيل المثال، تطلب منه وصف دقيق لمنتجه، في سطرين أو صفحة، دا مش هيفرق في البداية، لأن أنت المفترض هتعدل وتغير عليه (هتعدل على الوصف طبعاً مش على المنتج).
وفيه سؤال مهم لازم تسأله للعميل في البداية، وهو: إيه هي الميزة التنافسية الخاصة بيه؟
يعني المنتج دا إيه يميزه عن كل المنتجات المنافسة له؟ والميزة التنافسية دي ممكن تكون موقع المكان نفسه، أو سرعة توصيل المنتج، وممكن تكون ديكور المكان!
يعني ديكور المكان ممكن يجيب لي عميل؟ الإجابة أيوا طبعًا، لو افترضنا مثلاً عيادة أسنان والانتظار فيها بيكون بالساعات، فهنا نركز على الديكور الخاص بالمكان ونبروزه، ممكن نقول إن الديكور مريح، وموجود واي فاي مثلاً، ما دي كدا ميزة تنافسية.
الجزء الثاني: العميل
بعد ما فهمنا المنتج، وعرفنا ايه العنصر المميز له عن باقي المنتجات المنافسة له، ييجي هنا دور العميل، أنا لازم أعرف أنا بكلم مين بالإعلان دا، هل أنا بكلم الأمهات، ولا بكلم الآباء، ولا الجمهور الخاص بالمنتج هو جمهور عام؟
هل أنا بخاطب الشباب بس ولا بخاطب بمنتجي فئة أكبر أو أقل؟
وأفضل طريقة ممكن من خلالها أقدر أعرف احتياجات العميل من خلالها هي إني أكون أنا مكان العميل نفسه، وأبدأ أسأل نفس الأسئلة كأني أنا العميل.
بالطريقة دي هكون فهمت أنا مستهدف مين بإعلاني، والعميل نفسه احتياجاته ايه، ودا هيقدر يزود تركيزي على الميزة المهمة للعميل.
هل في طريقة أقدر أعرف من خلالها احتياجات العملاء؟
في أكتر من طريقة زي مثلاً:
1- الاستبيانات.
2- مواقع التواصل الاجتماعي المختلفة، فيس بوك، انستجرام، تيكتوك، لينكد ان، اكس.
3- المقابلات و الانترفيوهات.
مهارات الكوبي رايتر Copywriter؟
لازم يكون هناك شوية مميزات عند الكوبي رايتر Copywriter، زي مثلاً:
1- مهارة البحث
ودي لازم تكون متوفرة عند اي كوبي رايتر، لأسباب كتيرة. لأن لازم لكتابة المحتوى الإعلاني تغذية بصرية، فلازم الكوبي رايتر يبحث ويدور في كل مكان.
وعند كل المنافسين لازم يشوف الخدمة أو المنتج مقدم بطريقة شكلها ايه، وبناء على كدا يبدأ في كتابة محتواه الإعلاني.
2- المهارة اللغوية
مهم في الكوبي رايتر المميز إنه يكون عنده حصيلة لغوية، تسمح له يقدم منتج بأكتر من شكل، وممكن كمان بأكتر من لغة.
الإعلان أو المحتوى الدعائي أساسه الكتابة، فلازم أكون مميز في الكتابة الصحيحة، أو عندي أساسيات الكتابة الإبداعية حتى، وعشان تحقق دا لازم تكون بتقرا كتير، مش مهم بتقرا إيه لكن المهم إنك بتقرا باستمرار والأفضل لو في مجالات متنوعة.
3- مهارة التخلي عن المثالية
كل قطع المحتوى المقدمة على السوشيال ميديا أو المواقع المختلفة لو سألت أصحابها راضيين عنها عنها ولا لا هتكون دايمًا إجابتهم” كان ممكن يتقدم بشكل أفضل!”
هنا هي المشكلة، لأن المحتوى الكامل الخالي من العيوب كالقطعة الفنية النادرة وجوده قليل جدًا.
وجزء عدم رضا صاحب المحتوى عن المحتوى الإعلاني الخاص بيه موجودة من زمان، لأنه دايمًا يبحث عن الكمال والمثالية.
في النهاية المهم نقدم منتجنا بصورة مميزة تحتوى احتياجات العميل.
4- مهارة الفهم الجيد والإنصات
مهارة من المهارات لازم تكون موجودة عند كل كوبي رايتر مميز وهي الاستماع الفعال.
يعني لازم أسمع العميل بشكل كامل وافهم احتياجاته.
وافهم وأعرف كل المعلومات المهمة بالنسبة له، لأن دا هدف من أهدافي، اني أقدر أوصل المعلومة بشكل كامل للعميل المستهدف.
كيف تحصل على وظيفة كوبي رايتر؟
الأكيد إن حصولك على وظيفة كوبي رايتر أمر مش بسيط لو أنت مبتدئ، لكن الخطوات دي ممكن تساعدك بشكل كبير إنك تعرف تبدأ في مجال الكوبي رايت copywriting، زي مثلاً:
1- اتأكد إن المجال نفسه مناسب لك.
2- ابدأ في الكورسات المقدمة للمحتوى بشكل عام، وكوبي رايت copywriting بشكل خاص.
3- تابع ناس في المجال دا كتير، وشوف كلامهم على مواقع التواصل الاجتماعي واتعلم منه. (زي مين؟)
4- ابدأ في الدخول لسوق عمل الكوبي رايترز Copywriters، ودي المرحلة الصعبة بنسبة ما، لكن حاليًا الصعوبة تقريبًا تلاشت، بسبب وجود كل مواقع العمل الحر، زي مستقل وفايفر وخمسات وغيرهم كتير.
وفي النهاية كل المطلوب منك عشان تكون كوبي رايتر جامد إنك تذاكر كويس وتشوف كتير وتسمع أكتر، عشان يتوفر عندك مخزون كبير جدًا من التغذية السمعية والبصرية.
ودا لأنك لازم تعرف الناس في مجالك بتقدم محتوى شكله ايه، وطريقة كتابته إيه، والشكل العام المميز له كمان بيتقدم وينطرح إزاي على الناس.
مجال الكوبي رايتنج copywriting ممتع جدًا، وكونك اخترته يكون مجالك فلازم تثبت نفسك وتكون كوبي رايتر شاطر.
ودا هيكون من خلالنا احنا في مالتي كونتنت، لو حابب تعرف أكتر وتسمع أكتر تابعنا على مالتي كونتنت.