لو جيت سألت أي كاتب إيه هي أصعب أنواع الكتابة الإبداعية؛ بنسبة كبيرة هيقول لك الكتابة الكوميدية Comedy writing ودا لأن الكاتب بيبقى دايما محتاج يعمل توازن ما بين الكوميديا والأحداث الخاصة بالقصة الأساسية.
وممكن تكون أنت شخص كوميدي بس مش قادر توضح دا من خلال الكتابة الكوميدية Comedy writing طيب أعمل أيه عشان أبقى كوميدي وأضيف الكوميديا لكتاباتي سواء اعمال فنيه او كتابة محتوى كوميدي في المقال ده هنعرف سوا عن الكتابة الكوميدية Comedy writing وازاى تقدر تكون كوميدي رايتر Comedy writer وكمان هيساعدك أنك تقدر تضيف الكوميديا في أعمالك.
المحتويات
إخفاء
ما هي الكتابة الكوميدية Comedy writing؟
بكل بساطة الكتابة الكوميدية Comedy writing هي كتابة محتوى مضحك ويضيف البهجة للمشاهد مع وجود جوانب كتير للكتابة الكوميدية ولكن في النهاية الهدف الأول والاساسي هو إضحاك الجمهور أو المشاهدين وعموما الكوميدي رايتر Comedy writer بيقيس نجاح أعماله بصوت ضحك الجمهور.
وكمان بيبقى عليه عبء لو قال نكته ومش بس الناس مضحكتش عليها لا دا كمان عبرو عن اد أيه هي مش حلوة سواء أنهم يقولو كدا بشكل صريح أو أنهم يعبرو عن دا بتعابير وشهم.
أنواع الكوميديا
كوميديا الوقوف
كوميديا الوقوف أو الاستاند اب كوميدي ظاهريا تحس أنها أرتجالية ولكنها في الحقيقة بتبقى معتمدة على موقف معين أو موضوع معين المؤدي مرتب إنه هيتكلم فيه والارتجال بيبقي في وقت الإلقاء فمثلا أنه يحكي موقف معين حصل معاه ليه علاقه بالموضوع أو إنه يعلق على الموضوع بخفة دم وبشكل مرح.
كوميديا الفارس
من أصعب أنواع الكتابة الكوميدية Comedy writing لأنها بتعتمد في الأساس على وجود شخصيات كوميدية عندها مبالغة في الأداء أو المبالغة في المواقف والتصرفات وردود الافعال زي مثلا شخصية دكتاتورية أو شخصيه غبيه جدا زي الفيلم المصري غبي منه فيه أو شخصية بخيلة جدا زي مسلسل البخيل وأنا و أعمال تانيه كتير تعتمد على المبالغة بشكل كوميدي.
كوميديا الموقف
من أهم وأقوي وأشهر أنواع الكتابة الكوميدية Comedy writing لأنها بتعرض مجموعة مواقف كوميدية مترابطة بقصة معينة أو حكاية واحدة يحصل من خلالها مجموعة مواقف وأحداث كوميدية زي المسلسل المصري عايزه اتجوز اللي كان من بطولة الممثلة هند صبري واللي كان بيحكي قصة دكتوره صيدلانيه تخطت سن الـ 30 وتتعرض لمجموعة مواقف كوميدية خاصة بمقابله العرسان ومواجهة العنوسة ودا اللي بيحصل لاغلب البنات العرب.
الكوميديا السوداء
من أكثر أنواع الكتابة الكوميدية Comedy writing متعة وليها جمهور كبير جدا وبتعتمد على تقديم قصص أو قضايا مهمه تهم المجتمع لكن بشكل ساخر أو بشكل كوميدي زي الفيلم المصري عسل اسود اللي كان بيجسد حال المواطن المصري والمجتمع المصري بشكل عام.
المحاكاة
بتعتمد كوميديا المحاكاة بشكل كبير على السخرية من أعمال فنية تانية ومش ضروري تكون الأعمال دي أعمال كوميدية لا ممكن تكون الأعمال دي درامية أو رعب أو أي نوع تاني وفي النهايه النتيجه بتبقى عمل جديد نسخه من عمل تاني ولكنه بشكل كوميدي.
كوميديا الحوار
الكتابة الكوميدية Comedy writing من النوع دا تعتمد على الحوار بين الأشخاص زي ما بيحصل في مسلسلات السيت كوم الي بتعتمد على تصوير زوايا قليله جدا وحوار متبادل بين الأشخاص تبين الغباء بشكل كوميدي أو تحكي مواقف بشكل كوميدي والطرف التاني بيتعامل معاها زي المسلسل الكوميدي راجل وست ستات.
جوانب الكتابة الكوميدية
لضمان الكتابة الكوميدية Comedy writing ناجحة لازم تاخد بالك من شوية حاجات تساعدك في دا زي مثلا
1) تفهم جمهورك
أنك تعرف أنت بتكتب لمين دا هيساعدك كتير ف أنك توجه نفسك لنوع الكتابة الكوميدية Comedy writing التي تكتبها فالجمهور دايما زوق مختلف حتى جوا الكوميديا يعني مثلا في جمهور بيفضل الكوميديا الساخرة وجمهور تاني بيفضل كوميديا التهريج وغيرهم من أنواع الكوميديا المختلفة.
2) التعاون
الكتابة الكوميدية Comedy writing بتدي نتايج كويسه لكن كتابة الكوميديا الجماعية بتدي نتايج أحسن بكتير لان كل واحد بيضيف من أفكاره والكوميديا الخاصه بيه بالتالي تنتج لنا كتابه مختلفة ومتنوعة من حيث الكوميديا.
3) شخصيات كوميدية
ضروري يكون في ربط بين الجمهور والشخصيات الكوميدية الموجودة في العمل أو خلق شخصية كوميدية مؤثرة جدا وعرض عيوبها أو مشاكلها الشخصية بشكل كوميدي زي مثلا شخصية اللمبي في سلسلة الأفلام المصرية.
4) مذاكرة الأعمال الكوميدية الناجحة
ضروري جدا تذاكر أي عمل كوميدي ناجح من حيث توقيته وليه نجح ودا هيساعدك بشكل كبير أنك تفهم أيه إحتياج الجمهور من الكوميديا.
5) الكتابة أكتر من مره
في الطبيعي الكتابة الكوميدية عموما بتبقى على مراحل بمعني إن في كتابة أولى وكتابه تانيه وهكذا لحد ما نوصل للشكل النهائي والمثالي من كتابة العمل ولكن كتابة الكوميديا أكتر نوع يحتاج للكتابة أكتر من مرة لأن النكته الواحده ممكن نشتغل عليها اكتر من مره عشان نوصل لافضل حال منها.
6) التفريق بين خفة الدم والتصنع
في فرق كبير بين خفة الدم وتصنع خفة الدم فلازم انت ك كاتب محتوى كوميدي تاخد بالك كويس وتكون اصلا دمك خفيف وتتجنب الهزار البايخ والسخيف واللي في أحيان كتير مابيبقاش ليه علاقة بالموقف أصلا وبيكون هزار محطوط بغرض الحشو أو نتيجة للتسرع عشان تنهي كتابة العمل.
7) تجنب التكرار
كام مره حد قالك نكته وقولتله يااه دي قديمه؟ طبعا كتير نفس الموضوع في الكتابة الكوميدية لازم تاخد بالك متكررش الكوميديا او متكررش الافيه لان ممكن المشاهد يتأثر او يعيط من مشهد موت حد من أبطال العمل كل مرة ولكنه صعب يضحك على افيه قديم او موقف كوميدي متعاد.
8) خلق كوميديا من الجمل العادية
الجمل العادية في الأعمال الكوميدية ملهاش مكان يعني مثلا جمل التحيه زي صباح الخير ومساء الخير لازم تكون ب اداء كوميدي أو بنبرة صوت كوميديه والاستمرار على نفس الحال في باقي الجمل العادية الضرورية في العمل كله.
أشهر كتب كوميدية
وفي نهاية المقال أحب إني أوجهك لبعض الكتب اللي ممكن تفرق معاك، وهي كتب الكتابة الكوميدية واللي ممكن تساعدك كتير..
كتاب تريد الدببة قتلك (Bears Want to Kill You)
والكتاب من تأليف الكتاب إيثان نيكول وكتاب السمين السعيد (Happy Fat) للكاتب صوفي هاغن و كتاب البالغون (Grown Up) للكاتبة ماريان كيز.
كيف تقتل في الكوميديا (How to kill in Comedy)
وكمان كتاب كيف تقتل في الكوميديا (How to kill in Comedy) للكاتب ستيف نورث.
كتاب واو لا، شكرًا! (Wow No Thank You)
وكتاب واو لا، شكرًا! من كتب سامانثا إيربي.
كتاب حسنًا، هيا نفذ فكرتك الغبية ( Ok, Lets Do Your Stupid idea )
للكاتب باتريك فرين.
نسيت أقول لك إن الكتابة الكوميدية هي شكل من أشكال الربح من المحتوى واللي عن طريقها تقدر تكسب دخل شهري من خلال الشغل على مواقع الفريلانسر.
وبكدا نكون خلصنا كلام عن الكتابة الكوميدية comedy writing وأنواعها وإزاي تكتب بشكل كوميدي وأتمنى تكون استفدت من المعلومات اللي قدمناها النهاردة على موقع مالتي كونتنت.