جربت تكتب قصة قبل كدا؟، بتحب كتابة القصص القصيرة وعايز تحسن مستواك في كتابتها، أكيد المقال دا ليك.. النهاردة هنتكلم عن القصة القصيرة وخطوات كتابتها بطريقة إبداعية وكل ما يخص كتابة القصص فتابع معانا المقال على موقع مالتي كونتنت.
تعرف إن القصة القصيرة ممكن تساعدك إنك توصل الفكرة أكتر من الرواية اللي فيها أجزاء كتيرة، وممكن يختلف الناس عن أشكالها لأنها أكتر فاعلية من الرواية وممكن بعض الناس يتفقوا على العكس.
القصة القصيرة تقدر توصل رسالتها أكتر من الرواية الطويلة وتعتبر كتابتها مخاطرة كبيرة وممكن تكتب قصة أفضل وأنجح من الرواية الطويلة ، وممكن نتكلم عن حكاية متنفعش غير في قصة قصيرة ومتكملش في الرواية الطويلة.
أول سؤال ممكن تسأله لنفسك طيب إيه هى القصة القصيرة؟ أو هى عبارة عن اية؟ ياترى هى عمل قائم بنفسه ولا ممكن تكون عمل مشتق؟
ما هي القصة القصيرة؟
طيب عشان نقلل التساؤلات الكتيرة تعتبر القصة القصيرة عمل قائم بنفسوا ومنفصل عن أى أعمال نثرية تانية بس هو مختلف عشان بيركز على التفاصيل وأحداثه مختصرة وممكن تكون أسرع كتير من أى نوع قصة إنت قريتها بتبقى مختلفة عن اى نوع كتابة نثرية انت تعرفها ،وممكن تكتب قصة خيالية وفيها حبكة درامية وسرعة وبنية وكل عوامل بناء النص النثري ولازم تخلي فية هدف عاوز توصولوا من خلال كتابتك للقصة القصيرة.
ما حجم القصة القصيرة؟
هل للقصة القصيرة عدد محدد من الكلمات؟ او للقصة القصيرة عدد معين من الكلمات اوى يعنى؟
ايوة القصة النموذجية بتحتوي على عدد معين من الكلمات وبيتراوح عدد الكلمات بين 1000 كلمة الى 5000 كلمة وممكن يكون فيه استثناء للقاعدة طبعا ودا بيحصل دائما، وطبعا الخيال السريع أفضل شكل من اشكال الكتابة الابداعية وفيه مكان رمادى بينها وبين الرواية والرواية ممكن وصل 30000 كلمة وممكن اكتر من كدا بكتير.
ما أنواع القصة القصيرة؟
القصة القصيرة ليها أنواع مختلفة ولكن لكل نوع منهم ما يميزه ويخليه مختلف عن أي نوع تاني..
1) الحكاية
أول نوع معانا دلوقتى هو الحكاية ويعتبر هو سرد موجز أو قصير وممكن يكون كوميدى أكتر والغرض منه هو دعم نقطة معينة ممكن تكون شبة شوية رواية قصيرة مع درس مهم عاوزة توصولوا وهو أساسي بالنسبة للحكاية.
2) المراوغة
النوع التانى هو المراوغة ويعتبر نوع من القصة فية حوالى 100 كلمة هدفه الرئيسي هو اختبار مهارة المؤلف سواء فى النثر أو فى حديث عن نقطة فيها مغزى معين ويعرضها بنجاح فى كلمات قليلة جدا وهى برضوا بتحكم على معجم كلمات الشخص نفسه.
3) النكتة
وتعتبر النكتة نوع من أنواع القصة القصيرة وهى قصة مضحكة تنتهى بالتورية والضحك.
4) الخرافة
النوع الرابع هو الخرافة وتعتبر حكاية تضم مخلوقات غريبة أو خيالية وممكن تكون من الثقافة الموروثة عادة ممكن بنكتبها عشان نناقش مشكلة أخلاقية معينة فى نهاية القصة ونوصل حل معين للمشكلة دى وممكن يكون النوع دا شبه الأمثال الشعبية لكنة بيكون أطول شوية وطريقة مختلفة لتوصيل المعلومات والمشاكل.
5) الخيال
النوع الخامس هو الخيال وبيشير الى قصص بتقل عدد كلمتها عن 1000 كلمة والنوع دا مشهور فى الأدب الإنجليزي أكتر ويعتبر أحد أهم وأشهر نموذج من القصص القصيرة ومن أشهر القصص القصير الإنجليزية هى أغلبها تنسب لإرنست همنغورى واللي قصته تحمل اسم “للبيع أحذية أطفال لم يتم ارتدائوها أبدا” .
6) الرسم
النوع السادس يسمى الرسم وممكن يكون قطعة من الكتابة لاتحتوى على مؤامرة لكن هدفها الرئيسي هو عرض الضوء على شخص معين او موقع معين .
7) المقالة القصيرة
النوع السابع هي المقالة القصيرة وبيتكون النوع دا من القصص على مشهد قصير وممكن يكون جزء من مجموعة أكبر من الأعمال والهدف الأساسي منها هو عرض لحظة أو تفصيلة معينة عن عنصر فى القصة ممكن يكون شخصية أو فكرة أو شخصية خيالية .
كيف تكتب قصة قصيرة؟
هنتكلم دلوقتى عن أهم الحاجات اللي هتحتاجها لو عايز تكتب، فى عناصر مشتركة فى جميع الكتابات الخيالية لكن القصص القصيرة بتتميز على وجة التحديد على شوية حاجات ومنها:
1- مزاج أو شعور معين وممكن يكون نوع زى (الكوميديا أو الرومانسية أو الرعب) وممكن فكرة معينة زى الزنا او الولادة وممكن دروس الحياة أو ممكن عاطفة معينة زى الخسارة أو الحزن أو فرح وممكن يكون مزيج بين كل دا لكن اه حاجة فية إنه يكون مترابط ومتماسك وفية نقط واضحة مش سايح على بعضوا وأفكاره مداخلة .
2- يكون الكتابة بلغة واضحة ووصفية كمان تأسس مفهوم القصة بسرعة ومن غير تزويد وتجويد نوصل القصة بسرعة وبكلمات واضحة وسهلة .
3- القصة بتحتوى على عدد صغير من الشخصيات ومن أهمهم الشخصية الرئيسية والشخصيات الداعمة وبتلعب دور حيوى فى القصة .
4- وإنت بتكتب لازم يكون عندك وجهة نظر قوية تبني عليها قصتك عشان تخلي الناس يفهموا وجهة نظرك.
العناصر التجريبية مش لازم سرد القصة يكون بالطريقة التقليدية ومش لازم تكون متفق عليها من كتابة القصص القصيرة وبطريقة مبدعة وممكن يكون للقصة منعطف وممكن نحول الشحنة العاطفية ودايما متتكسفش إنك تكسر قواعد معينة وشوف إيه أفضل حاجة بالنسبة ليك وقدمها.
خطوات كتابة القصة القصيرة
دلوقتي هقولك إزاي تكتب قصة قصيرة في خطوات بسيطة..
1- اختار الحالة المزاجية حسب الفكرة يعني لو القصة رومانسية حاول تحس بيها وتوصلها من خلال كتابتك وحضّر عاطفة معينة حابب توصلها للقارئ وهتعمل كل العناصر معا لتحقيق القصة.
2- ابدأ قصتك بافتتاح قوي أو أحداث مثيرة للاهتمام تحاول تشد بيها القارئ وخلى بالك انها حكاية بسيطة مفيهاش مساحة كبيرة انك تعرض كل حاجة باستفاضة وحول تتغلب على فكرة انك تبدأ القصة بداية مهروسة او مشهورة كله بيبداء كدا خليك مبتكر عشان الاختلاف اجمل كتير من التكرار .
3- وانت بتبداء القصة حاول إنك تفتكر دايما إن القصة مبنية على عدد صغير جدا من الكلمات وإن مساحة عرضك للفكرة صغيرة وحاول تنور فكرتك وبيقولك بقي القصة لازم تكون ماية واحدة ولون واحد وفكرة واحدة.
4- كل حاجة بتترتب على نهاية القصة وركز على الحالة المزاجية بتاعتك وإنك تقدمها بطريقة مبدعة ومختلفة ولازم تكون الحبكة منطقية وممكن تخلى في قصتك شوية غموض.
5- وانت بتكتب وحسيت إنها لسة مش متقنة سيبها شوية كدة اشغل نفسك فى حاجة تانية وانساها حبة وبعدين ارجعلها بنظرة جديدة ومختلفة ودايما خليك فى حالة مزاجية محددة بتعبر عنها فى كتابتك وقبل النشر اقرأ قصتك تلات مرات على الأقل مع الانتباه على الحبكة والشخصيات وخلى حوارك والحبكة والشخصيات والمشاهدات والإعدادات معا لتحقيق هدف معين واحد مشترك ولو لاحظت أي تناقضات حاول بتصلحها .
وبكدا نكون خلصنا كلامنا عن القصة القصيرة وأسرار كتابتها واتمنى تكون استفدت من المعلومات اللي قدمتها في المقال.