لو انت بتدور على طريقة تخليك مصور محترف لكن إمكانياتك ضعيفة وعايز تحصل على المعدات اللى تحسن من مستواك وتكسب جوائز التصوير، فالأكيد أن المسابقات دي هتفيدك.
ممكن من خلال مسابقات التصوير اللى هنتكلم عليه تحت في المقال تفيدك في تحقيق حلمك وفي الحصول على جوائز التصوير واللي منها المعدات تحولك من مصور مبتدأ إلى مصور محترف .
كمان لو أنت من الأشخاص اللى بتحب الشهرة أو بتحب السفر وهواياتك التصوير فأكيد المقال دا ليك لأنك هتقدر تسافر وتتشهر من خلال جوائز التصوير ودا اللى هنعرفه في المقال؛ يلا بينا نتعرف على التصوير وجوائزه وكل ما يخصه.
المحتويات
إخفاء
جوائز التصوير
بيحصل في إيطاليا في الفترة الأخيرة مسابقات كتير، وجوايز بتتقدم للناس اللى بتشترك في المسابقات وبالذات المسابقات اللي ليها علاقة بموضوع التصوير اللى بنتكلم فيه، زي جائزة سينا الدولية للصور، وهنعرف في المقال دا إي هي جائزة سينا الدولية للتصوير.
جائزة سيينا الدولية للتصوير
- الجائزة بياخدها الناس اللي بيدخلوا مسابقة الصور الفوتوغرافية.
- المسابقة دي بتكون مفتوحة لأي مصور يعنى بيقدرك المشارك فيها تقديم أي صورة من اختياره، يعني بيكون للمصور كل الحرية في أنه يحتار الصورة اللى هيشارك فيها.
- وأي مصور من كل دول العالم ليه الحق والحرية أنه يدخل مسابقة سيينا الدولية.
- مسابقة سيينا الدولية تعتبر من أكتر المسابقات اللى بيشترك فيها أعداد كبيرة من كل دول العالم.
وزى ما عرفنا أي هي جائزة سيينا للتصوير يلا بينا نعرف أى هى الحاجات والشروط اللى بيطلبوها عشان تدخل المسابقة دي.
شروط المشاركة في مسابقة سيينا
- المشاركة في مسابقة سيينا الدولية للتصوير الفوتوغرافي بتكون مفتوحة لأى حد من المصورين، يعني بتكون للمصور المحترف والمصور غير المحترف كمان، يعني بتكون غير مقتصرة على حد بعينه.
- أى حد بيخالف الشروط والقواعد اللى بتحطها اللجنة المنظمة بيتم استبعاده مباشرة من المسابقة.
- وممكن ميقتصرش استبعادك على مخالفة الشروط؛ ممكن يتم استبعادك بسبب وجهة نظر أحد أعضاء اللجنة المنظمة.
وزى ما عرفنا إي هي الشروط اللى بيطلبوها عشان تشارك في مسابقة سيينا الدولية، يلا بينا نعرف إي هى التخصصات اللي بتكون ضمن مسابقة سيينا للتصوير.
التخصصات المسموح لها بالمشاركة في مسابقة سيينا الدولية
تخصصات كتير بتكون ضمن مسابقة سينا الدولية مش شرط التصوير الفوتوغرافي بس لاء ممكن أي قسم من أقسامه، ويلا نعرف إي هي أشهر أقسام التصوير افوتوغرفي المسموح بيها في المسابقة:
- التصوير الوثائقي
- التصوير للصحافة أو التصوير المرتبط بالإعلانات.
- تصوير الشوارع اللى بيطلق عليه التصوير الحر أو التصوير الطلق اللى بتكون فيه حر نفسك غير مربوط فيه بمكان أو زمان معين، أثناء التصوير بتكون حر بتصور أى حاجة بتعجبك وتلفت نظرك وكمان بتعمل الحاجة اللى بتحبها.
- تصوير الحيوانات والنوع دا من التصوير عموماً بتهتم بيه الناس اللى بتحب تربي حيوانات أو عندها شغف بالحيوانات وتصويرها، وبيقدروا أنهم يطلعوا أحسن صور من الموضوع دا لأنهم بيحبوا النوع دا من التصوير.
وزى ما عرفنا أي أكتر التخصصات اللى مسموح ليه أنها تشارك في مسابقة سيينا الدولية، يلا بينا نتعرف على أهم المميزات اللي بيحصل عليها الفائز في مسابقة سينا الدولية.
المميزات التى يحصل عليها الفائز في مسابقة سيينا الدولية
الفائز في المسابقة بياخد جوائز كتير جداً وبيتم تقديم له العديد من المميزات، يلا بينا نتعرف على المميزات اللى بياخدها الفائز؛ ومن أهمها:
- الفائز في مسابقة سيينا الولية بياخد معدات تصوير بمبلغ كبير جداً عشان بعد كدة يعتمد عليها في تصويره وتسهل عليه شغله وتساعد في تطويره.
- كمان بياخد إقامة في سيينا الموجودة فى دولة إيطاليا، وبتكون إقامة ليلتين بياخدهم في الإجازة بتاعت الحفلة اللي بيتم توزيع فيها الجوائز.
- كمان بينشروا اسم الفائز وأعماله على موقع المسابقة، كمان على جميع مواقع التواصل الاجتماعي.
- ويعتبروا الفائز في مسابقة التصوير أنه الضيف الخاص.
- وكمان بيتم تقديم للفائز مميزات كتير جداً.
- بيعملوا حملة صحفية كبيرة للفائز وبينزلوله إعلانات كتير جداً في كل مكان وعلى كل وسائل التواصل الإجتماعي سواء فيسبوك أو تويتر أو انستجرام وغيره .
زى ماعرفنا جائزة سينا وشروطها والمميزات اللى بيحصل عليها الفائز والتخصصات أو الناس اللى ممكن تشارك في المسابقة،
يلا بينا نتعرف على مسابقة جديدة ومهمة من مسابقات التصوير وهي مسابقة المملكة الفوتوغرافية أو ما يطلق عليها بجائزة المملكة الفوتوغرافية.
جائزة المملكة الفوتوغرافية
أكيد إنت مؤخراً ملاحظ إن المملكة العربية السعودية بقت بتهتم بالمواهب والمبدعين في مجالات كتير.
يعني بتعمل مسابقات وجوايز خاصة في مجالات مختلفة ومنها مجال التصوير اللى احنا بنتكلم عنه في مقالنا.
ويمكن من أهم المسابقات جائزة اسمها جائزة المملكة الفوتوغرافية 2024، وهي من المبادرات المهمة والمختلفة في عالم التصوير، والمسابقة بيعملوها كل سنة مرة.
وأول مرة أقيمت كانت سنة 2022م، ونظمتها وقتها هيئة الفنون البصرية اللى تعتبر جزء من وزارة الثقافة في المملكة العربية السعودية.
كمان المسابقة بتخلي المشاركين والمشاهدين يبقا عندهم حماس كبير أوى أنهم يكتشفوا الطبيعية أو المدينة اللى حوليهم عشان يستفادوا منها ويطلعوا أحلى صور ويتعرفوا عليها.
أول مسابقة عملوها كانت مركزة على الشواطئ والبيوت الأثرية عشان يخلوا عند الناس انطباع عن جمال البلد وإن في أماكن كتير حلوة ممكن تخلي الناس تيجى تزورها وبكدة يكونوا استفادوا منها في موضوع السياحة، وبكدا يكونوا استفادوا من ربط التصوير بمجال السياحة.
وبكدا نكون عرفنا نبذة بسيطة عن جائزة المملكة الفوتوغرافية، يلا بينا نعرف إيه هي أهداف جائزة المملكة الفوتوغرافية للتصوير.
أهداف جائزة المملكة الفوتوغرافية للتصوير
- جائزة المملكة العربية السعودية للتصوير الفوتوغرافية بتهدف أنها تشجع أي مصور سواء كان سعودي أو عايش بإقامة في السعودية أو أى مصور موجود في العالم.
- أن تخليه يكتشف المناظر اللى حواليه ويتعرف على الطبيعة وياخد للطبيعة صور في أى وقت يحس فيه بجمال الصورة وأهميتها.
- كمان الجائزة بيكون هدفها أنها تعرف الناس أن في مناطق موجودة في السعودية ناس كتير متعرفهاش.
- الجائزة دي بتخليهم يقدروا يعملوا تبادل ثقافي مع كل الناس سواء كانوا جوا المملكة العربية السعودية أو كانوا برا الدولة.
وبكدا نكون عرفناأهداف جائزة المملكة العربية السعودية للتصوير الفوتوغرافي، ودلوقتى هنتكلم شوية عن الصور المسموح لها بالمشاركة في مسابقة المملكة الفوتوغرافية.
الصور المسموح لها بالمشاركة في مسابقة المملكة الفوتوغرافية
جائزة المملكة الفوتوغرافية بتقام في المملكة العربية السعودية بتدي للمصورين المحترفين أو الناس اللى عندها هواية التصوير أو الناس المبتدئة في مجال التصوير إنها تقدر تاخد صور مبدعة للمحافظات والبلاد الموجودة داخل المملكة العربية السعودية.
ومن أمثلة على الصور ما يلي :
- طرق وإمكانية التصوير تحت الماء.
- تصوير العمران.
- تصوير الأماكن الساحلية.
- تصوير الطبيعة الموجودة.
وبكدا نكون عرفنا نبذة بسيطة عن الصور اللى مسموح لها بالمشاركة في مسابقة المملكة العربية للصور الفوتوغرافية.
ودلوقتى هنتكلم عن الحاجات اللى بتهتم بيها جائزة المملكة العربية السعودية للصور الفوتوغرافية.
اهتمامات جائزة المملكة الفوتوغرافية
جائزة المملكة العربية السعودية للتصوير الفوتوغرافي كان كل اهتمامها منصب على عنصرين رئيسيين يلا بينا نتعرف عليهم:
- أول حاجة كانت مهتمة أنها تعمل منحة وأطلقت عليها منحة المملكة العربية السعودية للتصوير الفوتوغرافي الاحترافي
وكانت المنحة مهتمة أنها تجمع كل المصورين المحترفين من كل أنحاء العالم وتخليهم يقدموا على المسابقة دي، ودا هيفدها إنها يكون عندها مجموعة من صور المصورين المبدعين المشاركين في المسابقة.
- الحاجة التانية هى أنهم عملوا مسابقة سموها مسابقة اكتشاف المملكة للتصوير الفوتوغرافي؛
والمسابقة دي كانت عبارة عن دعوة أو تشجيع لأى مصور مبتدأ وكمان تخلى المصورين الجداد يستفيدوا من الخبرة اللى عند المصورين المحترفين و يتكلموا معاهم ويستفيدوا من خبراتهم وأخطائهم ويحاولوا يتجنبوها.
وكمان المسابقة هتوفر للمصورين المبتدئين مجموعة من الكورسات والدروس اللى تخليهم يبقوا محترفين، والمصور اللى هيفوز هيحصل على جوائز كتير وهياخد حوالى 400 ألف ريال سعودي.
وفى أخر المقال أتمنى تكون عرفت عزيزي القارئ شوية معلومات ممكن تفيدك بعد كدة فى مجال التصوير أو يكون المقال دا سبب أنك تتشجع وتبدأ في تحقيق حلمك في مجال التصوير.